இளைய பாரதம் 2012

மதிப்பெண் போனால் ..............ரே போச்சு

2012-05-23T08:10:00.000+05:30

இப்படி நான் சொல்வது எதிர்பாராத சூழ்நிலையில் மதிப்பெண் குறைவாகவோ அல்லது குறைந்த பட்ச மதிப்பெண்ணான 35 சதவீதம் எடுக்காமலோ இருப்பவர்களுக்கு. மற்றவர்கள் இதைக் கண்டுகொள்ள வேண்டாம்.

10ஆம் வகுப்புடன் பள்ளிக்கு செல்வதை நிறுத்திவிட்ட நான் +2 தேர்வு தனித்தேர்வராக எழுத முயற்சித்தேன். (ஆரம்பிச்சிட்டாண்டா) தேசத்தந்தை பெயரையும் கர்மவீரர் பெயரையும் வாயால் சொல்லக்கூட அருகதை இல்லாத ஒருவனிடம் போய் நான் சிக்கினேன். அந்த டுடோரியல் நடத்தி வந்த அயோக்கியன், தேர்வுக்கட்டணம் செலுத்த கடைசி நாளாக பள்ளிக்கல்வித்துறை அறிவித்திருந்த நாள் வரை கட்டணம் செலுத்தாமல் அதன் பிறகு செலுத்தினான்.

இதனால் 1999 ஆம் ஆண்டு மார்ச் மாதம் என்னால் +2 தேர்வு எழுத முடியவில்லை. இப்போது மாதிரி தட்கல் விண்ணப்பம், உடனடி தேர்வு போன்ற எந்த சலுகையும் அப்போது இல்லை. அதனால் எனக்கு 1 வருடம் கோவிந்தா.

சுற்றி இருந்தவர்களின் ஏச்சு பேச்சை தாங்க முடியாமல் என் மனம் என்னென்னவோ சிந்தித்தது. நொந்து போய் துள்ளாத மனமும் துள்ளும் படம் பார்க்க போய் விட்டேன். திரும்பவும் 1999 செப்டம்பரில் பனிரெண்டாம் வகுப்பு தேர்வு எழுதும் நாள் வரை அந்த ஆறு மாதங்கள் எனக்கு பல்வேறு அனுபவங்கள் கிடைத்தன. என்னுடைய மனம் மிகவும் தெளிவடைந்த காலகட்டங்கள் அது என்று சொல்லலாம்.

அது என்னவோ தெரியவில்லை. அப்போது முதல் அடுத்தவர்களால் மட்டுமே எனக்கு பிரச்சனைகள் வருகிறது. ஏதாவது ஒரு சூழ்நிலையில் என்னைப்போலவே எல்லாரும் நாணயமானவர்கள், கொடுத்த வாக்கை காப்பாற்றுபவர்கள் என்று சிலரை நம்பித்தொலைவதுதான் எனக்கு வில்லங்கமாகிவிடுகிறது.

அது போகட்டும்.

இப்போது தேர்ச்சிக்குரிய மதிப்பெண் எடுக்காதவர்கள் எந்த தவறான முடிவையும் எடுக்க வேண்டாம். அவர்கள் அப்படி செய்வதற்கு முக்கிய காரணம் பெற்றோர்களாகத்தான் இருப்பார்கள். உயிரை விட்டால் ஒருத்தனுக்கும் பிரயோசனமில்லை. உயிர் இருந்தால் உலகையே வசப்படுத்தலாம் என்ற நம்பிக்கையுடன் உங்கள் முயற்சியை தொடருங்கள்.

ஊரில் பலர் அறியாத ரகசியம்

2012-04-26T10:05:00.001+05:30

ஊரறிந்த ரகசியம் தெரியும். அது என்ன ஊர் அறியாத ரகசியம்?....இது கூட தெரியாதா?. நம்ம அரசியல் வியாதிகள் செய்யுறதுல 99 சதவீதம் இப்படிப்பட்ட வேலைகள்தான். அவங்க பேரைச் சொல்லி அதிகாரிங்க அடிக்கிற கொள்ளையும் இதுலதான் சேரும்.

ஆகஸ்ட் மாத இறுதியில் வேளாங்கண்ணி திருவிழாவுக்காக கிட்டத்தட்ட 15 நாட்கள் நிறைய ஊர்கள்லேர்ந்து சிறப்பு பேருந்துகள் திருவாரூர் வழியா போறதைப் பார்த்திருக்கேன். அது அவசியமும் கூட. அதைத் தவிர்த்துப்பார்த்தா திருவாரூர் தேர்திருவிழா அன்று ஒரு நாள் மட்டும் சில சிறப்புப்பேருந்துகள் வரும். ஆனா சமீப காலமா அப்பப்ப திருவாரூர்ல சிறப்புப்பேருந்துன்னு ஒரு ஸ்டிக்கரோட பாடாவதி பேருந்து நிற்கும். அது ஏன்னு அப்ப எனக்கு புரியலை.

சாதா பேருந்துக்கும் சிறப்புப்பேருந்துக்கும் என்ன வித்தியாசம்னுதானே கேட்டீங்க? சாதா பேருந்துக்கும் எக்ஸ்பிரஸ்னு ஸ்டிக்கர் ஒட்டின பேருந்துக்கும் உள்ள வித்தியாசம்தான். சரி...இப்படி சிறப்பு பேருந்து இயக்கும்போது சினிமா தியேட்டர்ல பிளாக்ல டிக்கட் விக்கிற மாதிரி இருபது, முப்பதுன்னு பிளாட் ரேட்டா டிக்கட் போட்டு வசூலிக்கிறாங்களே. நஷ்டத்துல ஓடுற பஸ்சுக்கு முட்டு குடுக்குறாய்ங்கன்னு பார்த்தா, போக்குவரத்துக்கழக கிளைமேலாளரும், கோட்ட மேலாளரும் சிறப்பு பேருந்து பேரைச் சொல்லி எப்படி கொள்ளை அடிக்கிறாங்கன்னு ஒரு தகவல் கசியுது.

ரெகுலர் டிரிப்பை கேன்சல் செஞ்சுட்டு திடீர்னு ஒரு சிறப்பு டிரிப் அடிச்சா சுமாரா 600 ரூபா டீசலுக்கு எக்ஸ்ட்ரா செலவாகுறதோட, டிரைவர், கண்டக்டர் படிக்காசு தலா 40 ரூபாயாம். இது போகட்டும். அந்த சிறப்பு பேருந்தையும் பகல்ல அவ்வளவா இயக்க மாட்டாங்க. அப்ப எப்போ? நடுராத்திரி 12 மணியிலேர்ந்து 3 மணி வரைக்கும் அடிச்சா, இந்த சிறப்பு பேருந்து இயக்குறது அந்த வழிகள்ல இருக்குற ஊருக்கு போறவனுக்கே தெரியாதாம். ஆளில்லா கடையில நல்லாவே டீ ஆத்துறாங்கப்பா. உண்மையிலேயே 4 பஸ் வழியுற அளவுக்கு கூட்டம் நிற்கும்போது அந்த வழியில ரெகுலரா போற பஸ்சைக்கூட நிறுத்துற கேவலம் நடக்கும்.

ஊருக்குள்ள எவனுக்கும் தெரியாம சிறப்புப்பேருந்து இயக்குறதுக்கு கோட்ட மேலாளருக்கும், கிளை மேலாளருக்கும் தலா ஆயிரம் ரூபாய் ஊக்கத்தொகையாம். ஆனா இந்த மாதிரி டிரிப்புகளில் 200 ரூபா அல்லது 300 ரூபாய்தான் வசூல் ஆகுமாம். அட துரோகிகளா? இப்படி நீங்க கொள்ளை அடிச்சீங்கன்னா பஸ் ரோட்டுல எப்படிடா ஓடும். நஷ்டத்துல ஓடி ஆத்துல...சாரி... அதுல வெறும் பள்ளம் மட்டும்தான் இருக்கு. கடல்ல தான் முழ்கும். இதை எல்லாம் சரி செய்ய முடியாம பஸ் டிக்கட்டை மனசுல 500 கிலோ வெயிட்டோட வேதனையோடதான் ஏத்திருக்கேன்னு அறிக்கை வேற.

ஒரு படத்துல விவேக் பேசும் வசனம். ''ஏண்டா...நீங்க பிச்சைக்காரியை கூட விட்டு வெக்கலியான்னு''. அப்படித்தான் இந்த அரசியல் வியாதிங்க இப்படி போக்குவரத்துக்கழக கிளை மேலாளர், கோட்ட மேலாளர் போஸ்டிங் போடுறதுக்கு எத்தனை லட்சம், எத்தனை கோடி லஞ்சம் வாங்குனானுங்களா? அதை உங்க மூளையை பயன்படுத்தி ஜனங்க .......................குள்ள கையை விட்டு குடைஞ்சு எடுத்து சாப்பிடுங்க அப்படின்னு தண்ணி தெளிச்சு விட்டுருப்பாங்க.

அது சரி...அரசியல் வியாதிங்க சாப்பிடுற டிபனுக்கு பொதுஜனம்தான் பில் மட்டும் இல்லை...டிப்ஸ் கூட கொடுக்கணும்னு தலையெழுத்து.

சிறுதுளி பெருவெள்ளம்னுங்குற கான்செப்டை யார் புரிஞ்சு வெச்சிருக்காங்களா இல்லையோ...இந்த அரசியல் வியாதிங்க நல்லாவே புரிஞ்சு வெச்சிருக்காங்கப்பா. இந்தியாவுல இருக்குற 120 கோடி மக்கள் கிட்ட இருந்து ஒரு மணி நேரத்துக்கு ஒத்தை ரூபாய உருவுனா கூட 120 கோடியாச்சுன்னு ப்ளான் பண்ணி நம்ம தோலை உரிச்சு தின்னுகிட்டு இருக்காங்க.

இன்னும்தான் இந்த அரசியல் வியாதிங்களை நாமும் நம்பிகிட்டுதானே இருக்கோம்.

பயணிகள் கவனிக்கவும்

2012-04-25T16:52:00.001+05:30

இரவு உணவின் போது சிறிது நேரம் கேபிள் தொல்லைக்காட்சி பார்க்கும் சூழ்நிலையை என்னால் தவிர்க்க இயலாது. அந்த சில நிமிடங்களில் ஒரு நிறுவனத்தின் விளம்பரம் சற்று கவனிக்க வைத்தது. CEAT டயர் நிறுவனத்தின் விளம்பரம்தான்.

1. நடக்க பழகும் குழந்தையை கவனிக்காமல் இரண்டு பெண்கள் சாலையின் ஓரத்தில் நின்று வம்பு பேசிக்கொண்டிருக்கும்போது அந்தக்குழந்தை சாலையின் நடுவே வந்து டிராபிக் போலீஸ் வேலை பார்க்க முயற்சிக்கும். அப்போது டூவீலர் ஓட்டி வரும் ஒருவர் திடீர் பிரேக் போட்டதும் சட்டென்று வண்டி நின்றுவிடும். அப்போது அந்த குழந்தையின் தாய், டூவீலர் ஓட்டி வந்தவரைப்பார்த்து, இடியட், குழந்தை இருக்குறது தெரியலை...என்று இஷ்டத்துக்கு திட்ட ஆரம்பிப்பார்.

2. கணவனும் மனைவியும் திரைப்படம் பார்த்துவிட்டு டூவீலரில் பேசிக்கொண்டு போவார்கள். இரவு நேரம். டிராபிக் இருக்காது. சிக்னலில் பச்சை விளக்கு எரியும். இவர்கள் அந்த சந்திப்பை கடந்து செல்ல முயற்சிக்கும் போது திடீரென்று குறுக்கே ஒரு கார் பாம்பு மாதிரி இஷ்டத்துக்கு நெளிந்து போகும்.(அப்படிக்கூட சொல்ல முடியாது. இன்னும் கேவலமாக) அப்போது சட்டென்று பிரேக் பிடித்து நிறுத்திய கணவரின் தோளில் கைவைத்து அவரது மனைவி பெருமூச்சு விடுவார் பாருங்கள்...நம் நிஜ வாழ்விலும் இப்படித்தான். ஒழுங்காக ரூல்சை மதிப்பவர்கள் இப்படி செத்துப்பிழைக்க வேண்டியிருக்கிறது. ஆனால் விதி மீறும் மதிகெட்ட மாந்தர்கள் உல்லாசமாக இருக்கிறார்கள்.

இன்னும் இரண்டு மூன்று பேட்டர்னில் இந்த விளம்பரம் ஒளிபரப்பானது. அவர்கள் நோக்கம், எங்கள் டயர் எப்படிப்பட்ட சூழலில் பிரேக் பிடித்தாலும் சாலையில் கிரிப்பை விடாது என்று மக்களுக்கு சொல்வது. அவர்கள் சொல்லியிருக்கும் இன்னொரு விஷயம், சாலையில் இப்படி நிறைய இடியட்ஸ் இருக்காங்க என்று நான் சிவப்பு எழுத்துக்களாக காட்டியிருக்கும் நபர்களைப்பற்றி குறிப்பிட்டிருக்கிறார்கள்.

அது உண்மைதான். நான் கல்லூரியில படிக்கும்போது ஒரு பேராசிரியர், உனக்கு ஒரு கேள்விக்கு பதில் தெரியலன்னா என்ன சொல்லுவ? என்றார். எனக்கு தெரியாதுன்னு உண்மையை ஒத்துக்குவேன் என்றேன். அதற்கு அவர், நீ வேஸ்ட். உனக்கு ஒரு கேள்விக்கு பதில் தெரியலன்னா எதிர் கேள்வி கேட்டு அவங்களை குழப்பி விட்டுடணும். இல்லை... வாயை மூட வெச்சுடணும். அப்படின்னு சொன்னார்.

நான் என்ன அரசியல் வியாதியாவா ஆகப்போறேன்னு மனசுக்குள்ள சொல்லிகிட்டேன். செல்போன் பேசிகிட்டே குழந்தையை கவனிக்காம இருக்குறது மாதிரியான ஆளுங்க, அவங்க தப்பை நீங்க சுட்டிக்காட்டுறதுக்கு முன்னாலேயே உங்களைத் திட்டி சேப்டியாயிடுவாங்க.

எச்சரிக்கை தேவை நண்பர்களே!

ஓஹோ ப்ரொடக்சன்ஸ் ஆக ஓடும் ஓ.கே. ஓ.கே

2012-04-23T18:05:00.002+05:30

15 ஆண்டுகளுக்கு முன்பு மாப்பிள்ளை கவுண்டர் படத்தில் வடிவேலு, ஒரு லெட்டரைப் பார்த்து பிரபு மற்றும் வினுச்சக்கரவர்த்தியிடம் ''ஒவ்வொரு எழுத்தையும் முத்து முத்தா, அச்சடித்த மாதிரி, கண்ணுல ஒத்திக்கலாம் போல எழுதியிருக்கான்யா...ஆனா என்ன எழுதியிருக்கான்னுதான்யா தெரியல.'' அப்படின்னு சொல்லுவார். அப்படித்தான்யா நானும் ஓ.கே.ஓ.கே படத்துல என்னதான் இருக்குன்னு தேடிப்பார்த்தேன். ஒண்ணுமே தெரியலய்யா...அடுத்தவனை வம்புல மாட்டி விட்டாத்தான் காமெடின்னு சொல்லி படத்தை தேத்திட்டாங்கய்யா.

கோடை விடுமுறை நேரம். இந்த நேரத்துல ரிலீசான மற்ற படங்களும் தேறலை. 3 படம் பட்டை நாமம் போட்டுடுச்சு. பிரண்ட்ஸ், லவ்வர், மனைவி இப்படி யாரோடயாச்சும் போகும்போது சீரியசா ஒரு கதை சொல்லி நெத்தியில ஆணி அடிச்சா படம் கோவிந்தாதான். தமிழன்னு இல்லை. பொதுவாவே எல்லாருக்கும் மத்தவங்களை கலாய்க்குறது ரொம்ப பிடிக்கும். அதை வெச்சு ராஜேஷ் ஹாட்ரிக் அடிச்சுட்டார். பலரும் பாஸ் என்ற பாஸ்கரன் படத்தோட அளவுக்கு இதுல விஷயம் இல்லைன்னு சொல்றாங்க. அதுல ஆர்யா பழைய முகம். இதுல உதயநிதி புதுமுகம். ஆகவே இந்த குறைகள் அடுத்தடுத்த படங்கள்ல சரிசெய்யப்படும்னு நம்பலாம்.

திருவாரூரில் ஓ.கே.ஓ.கே படம் ஓடிக்கொண்டிருக்கும் நடேஷ் தியேட்டருக்கு எதிரில்தான் என்னுடைய அலுவலகம் நடத்தி வர்றேன். இந்த பதிவில் இருக்கும் தியேட்டரின் முகப்புத்தோற்றம் இந்த பொங்கல் சமயத்தில் வேட்டை படம் ஓடிக்கொண்டிருக்கும்போது என் அலுவலகத்தில் இருந்து எடுத்தது. 14 வருஷத்துக்கு முன்னால முரளி நடிச்ச பொற்காலம் படம் வரை இந்த தியேட்டர்ல வேலை பார்த்திருக்கேன். பெரும்பாலும் பகுதி நேரப் பணிதான். அந்த காலகட்டத்துல உள்ளத்தை அள்ளித்தா, நாட்டுப்புறப்பாட்டு, பூவே உனக்காக, காலம் மாறிப்போச்சு, பாஞ்சாலங்குறிச்சி, லவ்டுடே, பொற்காலம் போன்ற படங்கள் இந்த திரையரங்கில் சூப்பர் ஹிட்டாகவும் பரம்பரை, சிவசக்தி, சுபாஷ், கல்கி போன்ற படங்கள் ஆவரேஜாகவும் நடேஷ் தியேட்டரில் ஓடின.

15 ஆண்டுகளுக்கு முன்பு சூப்பர் ஹிட் என்று எப்படிப்பட்ட படங்களை சொல்வோம் என்றால், பொற்காலம் சுமார் 80 நாட்கள் ஓடியது. பூவே உனக்காக 50 நாட்களும், நாட்டுப்புறப்பாட்டு, உள்ளத்தை அள்ளித்தா போன்ற படங்கள் 35 முதல் 40 நாட்களும் ஓடின. சிவசக்தி, சுபாஷ், கல்கி போன்ற படங்கள் மூன்று வாரங்கள் ஓடினாலும் தியேட்டருக்கு லாபம் சம்பாதித்து கொடுத்த படங்களாகவே இருந்தன.

பிறகு நான் படிப்பு, கல்லூரி, வேறு பணி என்று வந்த பிறகு படம் பார்ப்பதில் அவ்வளவாக நாட்டமில்லாமல் போய்விட்டது. தீபாவளி, பொங்கல் போன்ற விசேச தினங்கள் தவிர்த்து ஒரு புதிய முகத்துக்கு (கலைஞர் குடும்பம் என்ற பெயரே சூப்பர் வேல்யூதான் - தியேட்டர் கிடைப்பதற்கு) இவ்வளவு பெரிய ஓப்பனிங் கிடைத்திருப்பது திரைத்துறையிலேயே பலரது காதுவழியாக புகைவரச்செய்திருக்கும்.

ஆளானப்பட்ட விஜய்க்கே வேட்டைக்காரன், சுறா போன்று ஓவர் பில்ட் அப் கொடுத்து மொக்கை போட வைத்து ரசிகர்களுக்கு வெறுப்பேற்றி காலி செய்தது சன் பிக்சர்ஸ். தனுஷ் கூட சுள்ளான் படத்தில் ரசிகர்களை கொலை வெறி ஏற்படச்செய்திருப்பார். ஆனால் அரசியல் வாதி குடும்பத்தில் இருந்து வந்த உதயநிதி மிகத் தெளிவாக வெற்றி ஒன்றையே குறிக்கோளாக கொண்டு சந்தானத்தையும், திம்சுகட்டையையும் முன்வைத்து எந்த பில்ட்அப்பும் இல்லாமல் படம் கொடுத்து படத்தை ஹிட் லிஸ்ட்டில் சேர்த்துவிட்டார்.

கே.எஸ்.ரவிக்குமாரா அல்லது விக்ரமனா என்று தெரியவில்லை. படம் முடிந்து வெளியே வந்த ரசிகன் படத்தைப் பற்றி ஆயிரம் கேள்வி கேட்கலாம். கிண்டல் அடிக்கலாம். ஆனால் படத்தில் முதல் சீனைப் பற்றி இரண்டாவது சீனிலேயே கிண்டல் செய்தால் படத்திற்கு சீன் முடிந்தது என்று சொல்லியிருந்தார். படத்தின் முதல் சீனில் உதயநிதி 10 பேரை பந்தாடினால் நிச்சயம் ரசிகர்கள் வெறுத்துப்போயிருப்பார்கள். (அவருக்கு இருக்கும் அரசியல், பணபலத்திற்கு 100 பேரை கூட பந்தாடலாம். அது வேறு விஷயம்.) ரசிகர்களை தொடர்ந்து சிரித்துக்கொண்டே இருக்க வைத்து கதையை காணோம்னு படம் முடிந்து தியேட்டருக்கு வெளியே வந்து கேட்க வெச்சாங்க பாருங்க. அங்கதான் படம் பிழைச்சுடுச்சு. எனக்குத் தெரிஞ்சு நான் பணிபுரிந்த காலகட்டம் தவிர்த்து ரொம்ப நாளைக்கு அப்புறம் தியேட்டர்ல டிக்கட் இல்ல. அப்படின்னு சொல்லி நிறைய பேரை திருப்பி அனுப்புறாங்க.

அதுலயும் வழக்கமா மாலைக்காட்சி ஆறரை மணிக்குதான் போடுவாங்கன்னு நினைச்சு நிறையபேர் ஆறு மணிக்கு வந்தும் டிக்கட் இல்லை. காவலர்களை வைத்து மக்களை திருப்பி அனுப்பும் நிலை ஏற்பட்டது. சில புதுமணத் தம்பதியர் கூட பத்துப் பதினைந்து நிமிடம் வரை தியேட்டர் வாசலை விட்டு கிளம்ப மனமில்லாமல் நின்று கொண்டே இருந்தார்கள். நான் தியேட்டரில் பணிபுரிந்த 1990களின் பிற்பகுதியில் இது மிகவும் சாதாரணம். ஆனால் இப்போது அது எனக்குள் பல கேள்விகளை ஏற்படுத்தியது.

பலருக்கு சினிமா பார்க்க கிளம்பி வந்து விட்டு டிக்கட் இல்லாமல் திரும்பி போவது என்பது கவுரப்பிரச்சனையாகி விடுகிறது என்று நினைக்கிறேன். நானும் அப்படித்தான் இருந்தேன். என்னுடைய பத்து பன்னண்டு வயதில். அப்புறம் பதினாலு பதினஞ்சு வயசுக்கெல்லாம் தியேட்டர்ல வேலைக்கு வந்துட்டேனே. ஆனால் இப்போது படித்து ஆயிரக்கணக்கில் சம்பாதிக்கும் மனிதர்களும் இப்படி இருப்பது ஆச்சர்யமாகத்தான் இருக்கிறது. மனித மனம் சில விஷயங்களில் எப்போதும் ஒரு குழந்தைத்தனத்துடன்தான் இருக்கும்போல் இருக்கிறது. இது போன்ற சந்தர்ப்பங்களில் அது வெளிப்படுகிறது. அவ்வளவுதான்.

பாட்டி சொல்லைத் தட்டாதே, உள்ளத்தை அள்ளித்தா, மேட்டுக்குடி இது மாதிரி பெயருக்காவது கதையுடன் வந்த (சுட்ட கதையோ, சுடாத கதையோ) முழு நீள காமெடிப்படங்கள் பெரும்பாலும் சோடை போவதில்லை. எஸ்.எம்.எஸ், பாஸ், ஓ.கே.ஓ.கே அப்படின்னு கதை தயார்பண்ற கேப்புல மூணு படம் பண்ணிட்டார் ராஜேஷ். விருந்தும் மருந்தும் 3 நாள் என்பது அனைவருக்கும் தெரியும். ரொம்ப நாளக்கு ஒண்ணுமில்லாத படத்தை ஓஹோன்னு ஓட வைக்க மாட்டாங்க. அதுக்காக படுதோல்வி அடையும்னு சொல்லலை. 10 கோடி லாபம் சம்பாதிச்சு கொடுக்க வேண்டிய படம் 5 கோடியோட நிறுத்திக்கலாம். அதைச் சொன்னேன்.

அப்புறம், எனக்கு தெரிஞ்சு தோற்றத்துல ரொம்ப சுமாரா இருக்குறவங்களாட (விதிவிலக்கும் உண்டு) குணம் பல அழகான பொண்ணுங்களுக்கு இல்லை. அழகான ராட்சசி...இல்ல...இல்ல...அழகான அரக்கியாத்தான் இருக்காங்க. மூஞ்சைப் பார்த்தா வாந்தி வருது. தப்பித்தவறி பார்த்தா அவன் சாக வேண்டியதுதான் இந்த மாதிரி நெகட்டிவ் வசனங்கள் இல்லாம நல்ல காமெடிப்படம் குடுக்க முடியும். அதுக்கு முயற்சி பண்ணுங்க. இப்ப கொஞ்ச நாளாத்தான் மாற்றுத்திறனாளிகள கிண்டல் பண்ணி வர்ற படங்கள் குறைஞ்சுகிட்டு இருக்கு. தெனாவட்டு, காஞ்சனா மாதிரி படங்கள்ல திருநங்கைகளுக்கும் உரிய மரியாதை தர்ற கேரக்டர்களயும் உருவாக்க ஆரம்பிச்சிருக்காங்க.

இந்த படத்துல சொல்ற மாதிரி எல்லாரும் ஹன்சிகா மாதிரியான ஆளுங்கள லவ் பண்றதெல்லாம் முடியுமா? உதயநிதி அப்பா, தாத்தா பெரிய புள்ளிகள். அவர் ஹீரோவாகுறது ரொம்ப சுலபமா நடந்தது மாதிரி படத்துல ஹன்சிகா லவ்வும் ஓகே ஆயிடுச்சு. எல்லாத்துக்கும் மச்சம் வேணும்பா.

என்னென்னமோ சொல்ற...படத்தைப்பத்தியும் ஒண்ணும் சொல்லலை. ஒரு கல் ஒரு கண்ணாடின்னு முழு டைட்டிலையும் சொல்லலைன்னு தானே கேட்குறீங்க. இந்த படத்துல கொஞ்சம் ஓவராவே ஆங்கில வசனம் இருக்கு. அதனால வரிவிலக்கு தர முடியாதுன்னு சொல்லிட்டதா ஏதோ ஒரு பத்திரிகையில படிச்சதா நினைவு. வரிவிலக்குக்கு பயன்படும்னுதான் ஒரு கல், ஒரு கண்ணாடின்னு தலைப்பு வெச்சோம். அதுவே கிடைக்கலைன்னா அந்த கண்ணாடி எதுக்கு அப்படின்னுதான் சும்மா ஓ.கே. ஓ.கேன்னு மட்டும் இந்த பதிவில் எழுதியிருக்கேன்.

சந்திரமுகியில் ரஜினி, சரவணாவில் சிம்பு, புதுக்கோட்டையிலிருந்து சரவணன், சீடன் படங்களில் தனுஷ் என்று பலரும் இந்த சரவணன் என்ற பெயரில் நடித்து விட்டார்கள். ஏற்கனவே திரைத்துறையில் சரவணன் நடிகர் இருந்ததால் சரவணன் என்ற ஒரிஜினல் பெயரில் இருந்து சூர்யாவாகி விட்டார். (எனக்கு என்னவோ சரவணன்-இந்த பேர் எனக்கு இருக்குறது புடிக்கலை.) ஓகே.ஓகே படத்துல உதயநிதியின் கேரக்டர் பெயர் சரவணன். ரெண்டு தடவை பின்னால போனதும் ஹன்சிகா உதயநிதியை ரசிக்கத்தொடங்கி விட்டதுதான் இந்த படத்தில் ஹீரோயிசம் என்று சொல்லலாம். மற்றபடி என்னை மாதிரி சாதாரண பிரஜையாக இருக்கும் எத்தனையோ சரவணன்களில் ஒருவராகவே உதயநிதி நடித்திருப்பதும் படத்தின் வெற்றிக்கு முக்கிய காரணம் என்று நினைக்கிறேன்.

நாற்பது பேரை அடிச்சு பந்தாடிட்டு, ரகசியாவோட ஒரு ஓப்பனிங் சாங் இருந்துச்சுன்னா ரிசல்ட் வேற மாதிரி ஆகியிருக்கும்னு ஒருத்தர் சொன்னார். உண்மையாங்க?

ஒரு நேரத்துல நான் கோர்வையா பதிவு எழுதுன மாதிரி இது இருக்குறதா தெரியலை. கதையே இல்லாத கே.ஓகே படம் ஏற்படுத்துன பாதிப்போ?

என்ன புலம்பி என்ன ஆகப்போகுது?

2012-04-13T10:01:00.001+05:30

கடந்த 3 மாசமா தமிழ் நாட்டுல மிகப்பெரிய மாஸ் ஹீரோவா ஆகியிருக்குறது மின்வெட்டுதான். ஊரெங்கும் இதேபேச்சு. கடந்த ஆட்சிக்காலத்துல ஆற்காட்டாரை எல்லாரும் கரிச்சு கொட்டுனோம். ஆனா இப்போ எல்லா ஆட்சியாளர்களும் கொள்கை முடிவுல ஒரே அணியிலதான் இருக்காங்கன்னு தெரிஞ்சு போச்சு.

அது என்ன கொள்கை?
ஏழைகளை மேலும் ஏழைகளாவே வெச்சிருப்பது. மிடில் கிளாஸ் தோலை உரிச்சு ஜூஸ் போட்டு சாப்பிடுறது. கோடீஸ்வர முதலாளிகளுக்காக ஆட்சி நடத்தி தேர்தல் நிதிக்கு எந்த பங்கமும் இல்லாம பார்த்துக்குறது.

சேவல் கூவுனாத்தான் பொழுது விடியுமான்னு சிலர் சொல்லுவாங்க. அந்த மாதிரி நாம புலம்புறதுக்கு கொஞ்சம் இடைவேளை விட்டுட்டு சில விஷயங்களை மாத்திகிட்டுதான் ஆகணும்.

முக்கியமா நிறைய வீடுகள்ல குண்டு பல்ப் உபயோகத்தை குறைச்சுட்டு குழல் விளக்கு அல்லது சிஎப்எல் விளக்குதான் பயன்படுத்துறாங்க. அவங்களுக்கெல்லாம் இன்னொரு சிக்கல் உண்டு. பெரும்பாலும் சிஎப்எல் விளக்குக்கு 1 வருஷம் உத்திரவாதம் இருக்கும். ஆனா உத்திரவாதம் முடிஞ்ச மறு நாள்தான் பல்ப் ரிப்பேராயிடுது. அதுக்கு நாமும் ஒரு காரணம். பாத்ரூம், டாய்லெட் போன்ற சில நிமிட உபயோகம் இருக்கும் இடங்களில் சிஎப்எல் விளக்கு போடாம குண்டு பல்ப் பயன்படுத்துறது நல்லது. ஏன்னா அடிக்கடி ஸ்விட்ச் போட்டு ஒத்தையா ரெட்டையா விளையாட சிஎப்எல் விளக்கு லாயக்கில்லை. இந்த வகை விளக்குகளை எரியவிட்டா குறைந்தது 20 நிமிடமாவது தொடர்ந்து எரியணும்னு சொல்றாங்க. சிஎப்எல் விளக்கின் மெக்கானிசம் அப்படி.

இரவுல முக்கால் மணி நேரம் சரிசமமா மின்சாரமும் மின்சார வெட்டும் (சென்னை நீங்கலாக) இருக்கு. இந்த முக்கால் மணி நேரம் தொடர்ந்து எரிஞ்சா மின் கட்டணமும் பெரிய அளவுல அதிகரிக்காது. சிஎப்எல் விளக்கும் அவ்வளவு எளிதில் ரிப்பேராகாது. பதினஞ்சு நிமிஷத்துக்கு குறைவா விளக்கு எரியுற சூழ் நிலை இருந்தா குழல் விளக்கோ, குண்டு பல்ப்போ தேவலாம்.

எங்க வீட்டுல நைட் லேம்ப்- உபயோகத்துக்கு 5W சிஎப்எல் விளக்குதான் பயன்படுத்துறோம். கிட்டத்தட்ட 4 வருஷமா எரியுது. ஆனா மற்ற இடத்துல உள்ளது அதிக பட்சம் 2 வருஷத்துக்குள்ள போயிடுதுன்னு நினைக்குறேன். முடிந்தவர்கள் முயற்சி செய்து பார்க்கலாம்.

அடுத்து மின் விசிறிக்கான ரெகுலேட்டர். பழைய மாடல் இல்லாம எலக்ட்ரானிக் மாடல் ரெகுலேட்டர்தான் எல்லாரும் போட்டுருப்பாங்க. அதுலயும் பழைய ரேடியோ வால்யூம் கண்ட் ரோல் மாதிரி இல்லாம 5 step இருக்குற ரெகுலேட்டர் கூடுதல் காலம் உழைக்குது. கரண்ட் பில்லும் மின்விசிறி ஓடுற வேகத்துக்கு தகுந்த மாதிரிதான் இருக்கும். ஆனா பழைய மாடல் ரெகுலேட்டர்ல ஃபேன் எவ்வளவு வேகத்துல ஓடுனாலும் அதற்கு செலவாகுற மின்சாரம் ஒரே அளவுதான். என்ன பழைய மாடல் 60 ரூபா. Step Type எலக்ட் ரானிக் ரெகுலேட்டர் நல்ல கம்பெனி என்றால் 200 ரூபாயைத் தாண்டும்.

எதுக்கு இதெல்லாம் சொல்றேன்னா, ஜென்ரேட்டர், யுபிஎஸ் வெச்சிருந்தா வரி போடுற மாதிரி அடுத்து வீட்டை விட்டு வாசல்ல இறங்கி பால் வாங்க வந்தா கூட Walking Tax, காற்றுல இருக்குற ஆக்சிஜனை சுவாசிச்சு உயிர் வாழ்றதால Air Tax இன்னும் என்னென்னவோ வாங்கப்போறாங்க. அப்ப அதெல்லாம் கட்டுறதுக்கு இந்த மாதிரி சிக்கனமா இருந்தாதான முடியும்? நாம என்ன அரசியல் வியாதியா, இல்ல பொது ஜன ரத்தத்தை உறிஞ்சுற கோடீஸ்வர ரத்த காட்டேரியா வரி கொடுக்காம ஏமாத்த?

நந்தன வருஷத்துல நந்தவனமே இல்லாம இருக்குற பகுதிகள்ல அட்லீஸ்ட் ஒரே ஒரு மரக்கன்றாவது நட்டு வளர்க்கணும்னு முடிவு பண்ணுங்கப்பா. வீட்டை சுத்தி இயற்கை காற்று வர்ற மாதிரி இருந்தா கூட அதுக்கும் வரி உண்டு. இன்னும் சில ஆண்டுகள்ல சூரிய ஒளி பயன்படுத்தி நாம விளக்கெரிக்கவாவது மின்சாரம் தயாரிச்சுகிட்டாலும் அதுக்கும் வரி உண்டு.-ஆமா, இதெல்லாம் யாருக்கு. வேற யாருக்கு, ரொம்ப நல்லவேன்னு ஒரு வார்த்தை சொல்லிட்டாலே எவ்வளவு அடிச்சாலும் தாங்குற லோயர் மிடில் கிளாசுக்குதான்.

ஏனுங்க...இது உண்மையா?

2012-04-12T17:14:00.000+05:30

............................போற இடத்துக்கு கூட ஏ/சி பண்ணி வெச்சிருக்குற பகாசுர கம்பெனிகளுக்கும், அரசியல் வியாதிகளையும் அதிகாரிகளையும் கைக்குள்ள போட்டுக்கிட்டு மக்களை மொட்டை அடிக்கிற கோடீஸ்வர கம்பெனிகளுக்கும் தடையில்லா மின்சாரம் கொடுக்குறதுக்கு பல காரணம் இருந்தாலும் முக்கியமா ஒரு காரணம் சொல்றாரு நண்பர் ஒருத்தரு. சில கோடீஸ்வர கம்பெனிகளும் முதலாளிகளும் மட்டும்தான் தேர்தல் நிதி தர்றாங்க. சாதாரண பொது ஜனங்க நம்மகிட்ட நிதி வாங்கிட்டுதான் ஓட்டு போடுறாங்க. அதனால நம்ம மின்சார ஓட்டு சில பணக்கார முதலைகளுக்கே அப்படின்னு எல்லா கட்சியிலயும் தீர்மானம் போட்டுட்டாங்களாமே?

கணிசமான மக்கள் சிறுதொழில் தொடங்கியும், வேறு பலர் கிடைக்குற வேலையை பார்த்துகிட்டும் ஓரளவு உசுரோட இருக்காங்க. இவங்க எல்லாம் இலவசம் எதுவும் தேவையில்லை, ஒழுங்கா நம்மளோட பிழைப்பை நடத்த விட்டா போதும் அப்படின்னு யோசிக்க ஆரம்பிச்சுட்டாங்களாம். இந்த எண்ணிக்கை இப்போ ரொம்ப ரொம்ப குறைச்சலா இருந்தாலும் நாளடைவில் அதிகரிச்சா அரசியல் வியாதிகளுக்கு (கவனிக்கவும்: அரசியல் வாதிகளுக்கு பிரச்சனை இல்லை) பெரிய வில்லங்கம் வந்துடும். காலை 6 மணி முதல் மாலை 6 மணி வரைக்கும் பன்னண்டு மணி நேரத்துல ஆறு மணி நேரம்தான் இப்போ மின்சாரம் இருக்குது. மீதி 12 மணி நேரம் அதாவது மாலை 6 முதல் காலை 6 மணி வரை மின்சாரத்தை நிறுத்தாம கொடுத்துட்டா பலபேரு நிம்மதியா தூங்குவாங்க. கடுமையான உழைப்பாளிகள் இரவிலும் தங்கள் தொழில் பட்டறைகளை திறந்து வேலை பார்க்க ஆரம்பிச்சுடுவாங்க. இந்த ரெண்டும் நடந்துட்டா அரசியல் வியாதிகளைப் பத்தி யாரும் நினைக்க மாட்டங்க. அதனால எவனும் தூங்கவும் கூடாது. வேலை பார்க்கவும் கூடாது. தூக்கம் கெட்டா புத்தி மழுங்கிடும். டாஸ்மாக் சரக்கு அடிக்கிற பழக்கம் இல்லாதவங்களுக்கு இந்த தண்டனை. சுயசம்பாத்தியம் காரணமா இலவசம் தேவையில்லைன்னு பேச நினைக்கிற ஆளுங்களுக்கு பிழைப்பை முடக்கி போட்டு தண்டனை. (டாஸ்மாக்ல சரக்கு அடிக்கிறவன் கம்பெனிக்கு மட்டும் ஸ்பெஷல் கரண்ட் வருதான்னு கேட்க கூடாது)

எப்படியோ, பிரைவேட் கம்பெனியில ஒரு யூனிட் 15 ரூபாய்க்கு வாங்கி ஐ.டி, சர்க்கரை ஆலை மாதிரி பணக்கார முதலாளிகளுக்கு 3 ரூபாய்க்கு கரண்ட் கொடுத்தாச்சு.(கிட்டத்தட்ட 40 சதவீதம் அப்படின்னு சொல்றாங்க) ஆனா வயிறு வளர்க்குற வேளாண்மைக்கு சுமாரா 20 சதவீதமோ என்னவோன்னுதான் சொல்றாங்க. இந்த புள்ளி விபரத்தை நான் சரியா பதிவுல எழுதலை. .................க்கு கூட ஏசி வெச்சிருக்குற ஆளுங்களும், பகாசுர கம்பெனிகளும், சுரண்டுற மின்சாரத்துல மூணுல ஒரு பங்கு அப்படின்னு ங்குற அளவுலதன் விவசாயத்துக்கு மின்சாரம் செலவாகுது. ஆனா விவசாய இலவச மின்சாரத்தாலதான் மின்சாரவாரியம் திவாலான மாதிரி நம்பவெச்சுட்டாங்க.

இப்படி சராமாரியான கொடூர மின்வெட்டை அமல் படுத்திட்டு யுபிஎஸ் வெச்சிருக்குறவங்களுக்கு எக்ஸ்ட்ரா வரியாம். ஜெனரேட்டர் வெச்சிருந்தா வரியாம். அது சரி, ரோடு டேக்ஸ் வசூல் பண்ணிட்டு அங்கங்க டோல்கேட் போட்டு சுங்க வரி புடுங்குறதையே சகிச்சுகிட்டோம். இந்த மாதிரி சுங்கம் வசூலிக்கிறதை தப்புன்னு சொல்லலை. எத்தனை வருஷத்துக்கு அந்த காண்ட்ராக்ட், ஒரு நாள்ல எவ்வளவு வசூல், அரசியல் வியாதிகளுக்கு எத்தனை லட்சம் கோடி அப்படின்னு செய்தி தெரியவே மாட்டெங்குது. ஆனா ராணுவ ரகசியம் கூட வெளில வந்துடுதுப்பா.

அடுத்து ஆக்சிஜனை கெக்கரான் மெக்கரான் கம்பெனிக்கு காண்ட்ராக்ட் விட்டாச்சு. நீங்க மூச்சு விடுறதுக்கு பணத்தை கட்டு. இல்லன்னா செத்துப்போன்னு சொல்றப்பதான் நம்ம நாட்டுல புரட்சி வெடிக்கும்னு நான் சொன்னேன். ஆனா அவரு சொல்றாரு, ''நம்ம மக்கள் பணம் கொடுக்க முடியலையேன்னு சாவாங்களே தவிர இயற்கை வளத்துக்கு எங்கிட்ட ஏன் காசு கேட்குறன்னு பொங்கவும் மாட்டாங்க. சும்மா கிடைக்கிற இயற்கை வளத்தை மாசுபடாம சிக்கனமா பயன்படுத்தவும் மாட்டாங்க. இலவசத்தை வேணாம்னு சொல்லவும் மாட்டாங்க. அப்படின்னு சொன்னார். அது உண்மையாங்க?

என்ன கொடுமை சரவணன் ?-7

2012-04-09T10:34:00.001+05:30

எனக்கு மட்டும் ஏன்இப்படி? - இந்த கேள்வி உங்களில்பலருக்கும் வெவ்வேறுசூழ்நிலைகளில் உங்கள்மனதில் எழுந்திருக்கும்.

ஆயிரம் மர்பி விதிகள்இருக்கின்றன. இதில்600வது தேறும். அந்த விதிகளைபடித்தால் இதைஎல்லாம் டேக்இட் ஈஸிஎன்று எடுத்துக்கொண்டு நம் பி.பி. ஏறாமல் ஆரோக்கியம்கெடாமல் இருக்கபழகிக்கொள்ளலாம்.

இதை படிச்சுட்டு இதான்எனக்கு தெரியுமே. புதுசா சொல்லவந்துட்டியாக்கும் அப்படின்னுசண்டை போடப்பிடாது. இந்த விதிகள்எல்லாம் நெட்டுலஇருந்து ஒருபுண்ணியவான் எனக்குஅனுப்பினது. உண்மையைசொல்லி நான்முதல்லேயே சரண்டர்ஆயிட்டேன்.

மர்பி விதிகள்

36. நமது நண்பர்கள் ஏதேனும் மிக உயர்ந்த பதவியில் அமர்ந்த உடன் நமது நண்பர்கள் என்னும் பதவியில் இருந்து இறங்கி விடுவார்கள்.

37. காரின் விலையும், ஓட்டுநரின் நிதானமின்மையும் நேர்விகிதத்திலேயே இருக்கும்.

38. நம்மை விட குறைவான வேகத்தில் ஓட்டும் அனைவரையும் முட்டாள்கள் என நினைப்போம்.

39. நம்மை விட அதிகமான வேகத்தில் ஓட்டும் அனைவரும் நிதானம் தெரியாதவர்கள் என நினைப்போம்.

40. உங்களுக்கு பிடித்த திரைப்பாடல் பேருந்து வானொலியில் பாட ஆரம்பிக்கும்போது நீங்கள் போய்ச் சேர வேண்டிய இடம் வந்து விடும்.

-விதிகள் தொடரும்...

என்ன கொடுமை சரவணன் ?-6

2012-03-24T15:32:00.000+05:30

எனக்கு மட்டும் ஏன் இப்படி? - இந்த கேள்வி உங்களில் பலருக்கும் வெவ்வேறு சூழ்நிலைகளில் உங்கள் மனதில் எழுந்திருக்கும்,

ஆயிரம் மர்பி விதிகள் இருக்கின்றன. இதில் 600வது தேறும். அந்த விதிகளை படித்தால் இதை எல்லாம் டேக் இட் ஈஸி என்று எடுத்துக்கொண்டு நம் பி.பி. ஏறாமல் ஆரோக்கியம் கெடாமல் இருக்க பழகிக்கொள்ளலாம்.

இதை படிச்சுட்டு இதான் எனக்கு தெரியுமே. புதுசா சொல்ல வந்துட்டியாக்கும் அப்படின்னு சண்டை போடப்பிடாது. இந்த விதிகள் எல்லாம் நெட்டுல இருந்து ஒரு புண்ணியவான் எனக்கு அனுப்பினது. உண்மையை சொல்லி நான் முதல்லேயே சரண்டர் ஆயிட்டேன்.

மர்பி விதிகள்

26. யார் தயங்குகிறார்களா அவர்கள கடைசி.

27. பணம் சம்பாதிப்பதற்கான சிறந்த வழி அதை இழக்காமல் இருப்பதில் இருக்கிறது.

28. ஆலோசகர் என்பவர் உங்களிடமே தகவல்கள வாங்கி உங்களுக்கே திருப்பித் தருபவர் ஆவார்.

29.பணம் சாணத்தைப் போன்றது. அதை கலந்து தெளித்துவிட்டால் நல்ல மருந்தாகும். ஆனால் ஒரே இடத்தில் தேக்கி வைத்துவிட்டால் இடமே நாசமாகி விடும்.

30. ஒன்று சிகரத்தில் இருக்க வேண்டும். அல்லது அதல பாதாளத்தில் இருக்க வேண்டும். பாதியில் இருந்தால் கஷ்டம்தான் எப்போதும்.

-விதிகள் தொடரும்...

திருவாரூர் பாபு இயக்கிய கந்தா படத்துக்கு திருவாரூர் சரவணனின் வாழ்த்துக்கள்!

2012-03-23T09:31:00.000+05:30

நூற்றுக்கணக்கான சிறுகதைகள், பல குறு நாவல்கள் எழுதிய எழுத்தாளர் திருவாரூர் பாபு. இவரது தந்தை வைத்திருந்த தட்டச்சுப் பயிலகத்தில் அப்போதே கதைகளை தட்டச்சு செய்து தான் அனுப்புவாராம். இருபது, இருபத்தைந்து ஆண்டுகளுக்கு முன்பு பத்திரிகைகளுக்கு தட்டச்சு செய்து அனுப்புவது எல்லாம் எல்லோராலும் முடியாத காரியம்.

தட்டச்சு செய்வதில் ஒரு சௌகர்யம். கையால் எழுதினால் 15 பக்கம் வரும் சிறுகதை தட்டச்சில் 3 பக்கத்தை தாண்டினால் அதிகம். அப்போது படிப்பவருக்கும் மலைப்பு தெரியாது. அந்த மூன்று பக்க சிறுகதையையும் அலுப்பு தட்டாமல் சொல்லும் உத்தி தெரிய வேண்டும்.

இதை எல்லாம் சரியாகச் செய்ததால்தான் திருவாரூர் பாபுவால் நூற்றுக்கணக்கில் சிறுகதைகளை எழுத முடிந்தது. தமிழன் எக்ஸ்பிரஸ் பத்திரிகையில் துணை ஆசிரியராக இருந்த இவர் பின்பு இயக்குனர் கே.வி.சரவணன் - அதாங்க அஜீத்தின் அமர்க்களம், அட்டகாசம் ஆகிய படங்களை இயக்கிய சரணிடம் ஜே.ஜே.,வசூல்ராஜா எம்.பி.பி.எஸ். போன்ற படங்களில் உதவி இயக்குனராக பணியாற்றினார் திருவாரூர் பாபு.

இன்று அவர் இயக்கிய "கந்தா" திரைப்படம் ரிலீசாகிறது. ஒரே ஊர்க்காரர் என்ற பாசத்தினால் மட்டும் இந்தப் படம் வெற்றியடைய வேண்டும் என்று நினைக்கவில்லை. அவரது சிறுகதைகளிலேயே நிறைய சமூக அக்கறை காணப்படும். படத்தின் கருவும் ஒரு நல்ல ஆசிரியரும், மாணவனும் சம்மந்தப்பட்ட கதை என்று கூறி இருக்கிறார். அந்த நம்பிக்கையுடன் படத்துக்காக காத்திருக்கிறேன்.

என்ன கொடுமை சரவணன் ?-5

மர்பி விதிகள்

21.மேலாளரைப் பொறுத்தவரை சாத்தியமில்லாதது என்று எதுவுமே கிடையாது அவர் செய்து பார்க்கும் வரை.

22. நீங்கள் உங்கள் வாகனத்தை கழுவி முடித்ததும் மழை வந்து இன்னும் நன்றாக கழுவி விடும்.

23. மக்களை ஒரு விஷயத்தை நம்ப வைக்க வேண்டும் என்றால் அதை கிசுகிசுப்பாக சொன்னால் போதும்.

24.பொதுமக்கள் யாரென்றால் செய்தித்தாள்களில் பெயர் இடம்பெறாதவர்களே ஆவார்கள்.

25.நீங்கள் ஒரு வேலையை சரியாக செய்து கொண்டிருந்தால் அது யார் கண்ணிலும் படாது.

விதிகள் தொடரும்...

எழுத்தாளர் திருவாரூர் பாபு இயக்கிய படம் நாளை ரிலீஸ்

2012-03-22T10:40:00.000+05:30

ஜே.ஜே., வசூல்ராஜா எம்.பி.பி.எஸ் உள்ளிட்ட படங்களில் இயக்குனர் சரண் உதவி இயக்குனராக பணியாற்றியவர் திருவாரூர் பாபு.

திருவாரூர் பாபுவின் இயற்பெயர் பாபு காமராஜ். இவர் பாபு K.விசுவநாத் என்ற பெயரில் கரண் நடித்த கந்தா என்ற படத்தை இயக்கியிருக்கிறார். நாயகி மித்ரா. இந்த படத்திற்குப் பிறகு இவர் விஜய் படமான காவலனில் இரண்டாவது நாயகியாக நடித்தவர்.

பள்ளியிலும், கல்லூரியிலும் எனக்கு படிப்பில் உதவியவர்கள் மூன்று ஆசிரியர்களே. இன்னும் எத்தனையோ சிறப்பான ஆசிரியர்களையும் பார்த்திருக்கிறேன்.

ஆனால் சமீப காலமாக பெற்றோர், ஆசிரியர், மாணவர் என்று அனைவருமே ஒரு ஒழுங்கற்ற தன்மையை நோக்கி போய்க்கொண்டு இருப்பதை யாரும் மறுக்க முடியாது. (இங்கு நான் அனைவரையும் குறிப்பிடவில்லை.)

இந்த சூழ்நிலையில் ஆசிரியர், மாணவன் உறவை மையமாக வைத்து திருவாரூர் பாபு "கந்தா" படத்தை இயக்கியிருக்கிறார். காமெடிக்கு விவேக் கால்ஷீட் வாங்கியிருக்கிறார்கள். தஞ்சாவூர் பகுதிகளில் பெருமளவு படப்பிடிப்பு நடந்திருக்கிறது. தஞ்சாவூர் புதிய பேருந்து நிலையத்தில் ஒரு சண்டைக்காட்சி படமாக்கப்பட்டிருக்கிறது. மணிரத்னம் தயாரித்து அழகம்பெருமாள் இயக்கிய "டும்...டும்...டும்..." படத்தில் தேசிங்கு ராஜா என்ற பாடல் மாதவன்-ஜோதிகா டூயட் தஞ்சை பெரியகோவில், அரண்மனை ஆகிய இடங்களில் படமாக்கப்பட்டிருந்தது பெரும்பாலானவர்களுக்கு தெரியும்.

இந்தப்படம் நாளை (மார்ச் 23) ரிலீஸ். இப்படத்தின் இயக்குனரை நான் நேரில் பார்த்தது இல்லை என்றாலும் அவரது தந்தை, அண்ணன், தம்பி ஆகியோருடன் எனக்கு ஓரளவு பழக்கம் உண்டு. நானும் அவ்வப்போது சிறுகதை எழுதி வருகிறேன். இந்த ஆர்வம் எனக்குள் சற்று ஆழமாக வேரூன்றியதற்கு திருவாரூர் பாபுவும் ஒரு காரணம்.

1994ஆம் ஆண்டு வாக்கில் ராணி வார இதழில் ஒரு பக்க கதை ஒன்றை படித்தேன். அந்த கதையும் கதையும் தலைப்பும் நினைவில் இல்லை. ஆனால் அதை எழுதிய திருவாரூர் பாபு என்ற பெயர் மட்டும் என் மனதில் நிலைத்து விட்டது. அப்போதே, திருவாரூர் சரவணன் என்ற பெயருடன் கதைகள் பிரசுரமானால் எப்படி இருக்கும் என்று நினைத்துப்பார்த்தேன். அந்த கனவு நனவாகி விட்டது. ஒரு வகையில் நான் எழுத்துப்பணியில் மானசீக குருவாக நினைக்கும் திருவாரூர் பாபுவின் கந்தா திரைப்படம் திருவாரூரில் நடேஷ் தியேட்டரில் ரிலீசாகிறது. அதன் எதிரில் தான் நான் Graphics Design Centre வைத்திருக்கிறேன். இந்த இடுகையில் இணைத்திருக்கும் தியேட்டரின் முகப்பு தோற்றம் என் அலுவலகத்தில் இருந்து எடுத்ததுதான்.

இந்த தியேட்டரை இயக்குனர் ஷங்கர் குத்தகைக்கு எடுத்து நடத்தி வந்தார். (எந்திரன் படம் அந்த தியேட்டரிலும் ரிலீசானது) இப்போதும் அவர்தான் நடத்தி வருகிறாரா என்று தெரியாது. எது எப்படியோ, படம் அனைத்து தரப்பினருக்கும் லாபம் சம்பாதித்து கொடுக்க வேண்டும் என்பதே என் ஆசை.

அனைத்து தரப்பினர் என்று நான் சொல்வது ரசிகர்களையும்தான். காசு கொடுத்து படம் பார்க்கும் ரசிகர்களும் ஓரளவாவது மன நிறைவு அடையும் வகையில் இருந்தால் படம் வெற்றிதான்.

கரகாட்டக்காரன் காமெடியும் - மின்சார வாரியமும்

2012-03-14T16:48:00.002+05:30

ரெண்டு பழம் வாங்குனியா? கடைக்காரன் கொடுத்தானா?

ஒண்ணு இங்க இருக்கு. இன்னொன்னு எங்க? -- சினிமாவுலயாச்சும் இப்படி செந்திலிடம் கேட்டு கவுண்டமணியால் அடிக்க முடிஞ்சது.

நம்மால் அதுவும் செய்ய முடியாது.

நீ யாரை அடிக்கப் போறன்னுதானே கேட்குறீங்க?

தமிழகம் முழுவதும் தொழிற்சாலைகளுக்கு வாரம் ஒரு நாள் (ஞாயிறுடன் சேர்த்தால் இரண்டு இரண்டு நாள்) மின்சார விடுமுறை விட்டால் வீடுகளுக்கு ஒரு நாளைக்கு 4 மணி நேரம் மட்டும் மின்வெட்டு அளிக்கலாம் அப்படின்னு சொன்னாங்க.

நாங்களும் நம்பிட்டோம்.

தொழிற்சாலைகளுக்கு மின்சார விடுமுறை, சென்னைக்கு கூடுதலா ஒரு மணி நேர மின்வெட்டு இதெல்லாம் விட்டபிறகு நிலைமை ரொம்ப கேவலமா போயிட்டுதே. ஏன் அப்படின்னு கேட்டா இப்படி சிறு தொழில் நிறுவனங்கள் கிட்டயும் வீடுகள் கிட்டயும் ஏமாத்தி புடுங்குன மின்சாரத்தை நட்சத்திர ஹோட்டல்கள், மெகா மால், தியேட்டர்கள் இவங்களுக்கு எல்லாம் மின்சார விடுமுறை அளிக்காம கொடுத்துகிட்டு இருக்காங்களாம்.

அது சரி. ஐயாயிரம் ரூபாய்க்கு டீசல் போட்டு ஜெனரேட்டரை ஓட்டுறதுக்கு பதிலா ஐநூறு ரூபாயை அதிகாரிகளுக்கு கொடு. பிரச்சனை சால்வுடு.-இப்படிப்பட்ட நிர்வாகம் இருக்குற நாட்டுலதான நாம இருக்கோம்.

இப்படி வள வளன்னு எழுதாம ஏழை மேலும் பிச்சைக்காரனாகிறான். கோடீஸ்வரன் மேலும் கொள்ளையடிக்கிறான் அப்படின்னு எழுதுனா போதும். ஆனா என்ன பண்றது. சில நேரங்கள்ல எல்லாத்தையும் விளக்கமா சொல்லித்தான் ஆகணும்.

பாத்திரம் ஓட்டையா இருந்தா உலகத்துல இருக்குற எல்லாரும் சேர்ந்து ............................. அடிச்சா கூட பாத்திரம் நிரம்பாதுன்னு நம்ம நாட்டு அரசியல் வியாதிகளுக்கு யார் புரிய வெக்கிறது.

இவ்வளவு பேசுறியே? தனி மனிதனா மின்சார சிக்கனத்துக்கு என்ன செய்யுறன்னு நீங்க கேட்கலாம். கடந்த மூணு வருஷத்துக்கு முன்னாலயே எங்க வீட்டுல சிஎஃப்எல் பல்ப்புக்கு மாறியாச்சு. வெளியில் மாலை 6 மணி முதல் 9 மணி வரை கூடுதல் ஒளி தர்ற சிஎஃப் எல் பல்ப்பும், 9 முதல் காலை 5.30 மணி வரை 5 வாட் சிஎஃப் எல் பல்ப்பும் போட்டிருக்கோம்.

என் எல்லைக்கு உட்பட்ட விஷயம் இவ்வளவுதான்.

ஆனா பெரிய தனியார் நிறுவனங்களும், உள்ளாட்சி அமைப்புகள்ல இருக்குறவங்களும் மின்சார சிக்கனத்தை கடைப்பிடிக்கிறத விரல் விட்டு எண்ணிடலாம்.

இப்போ காலை 6 மணியிலேர்ந்து 9 மணி வரை கரண்ட் இல்லாததால தெரு விளக்கை ஒழுங்கா நிறுத்துறது இல்லை.

காலை 9.30 அல்லது 10 மணிக்கு மேலதான் நிறுத்துறாங்க. இந்த அரை மணி நேரத்துல எவ்வளவு மின்சாரம் விரயம்?

அவ்வளவு ஏன்?

திருவாரூர் பெரிய கோவிலுக்கு தினமும் காலையில போறது என் வழக்கம். அங்கேயும் அடிக்கடி இந்த கதிதான். என் உயரத்துக்கு எட்டுற அளவுல சுவிட்ச் இருக்குறது ரௌத்ர துர்க்கை சன்னதியிலயும், மகாலஷ்மி சன்னதியிலயும்தான். நான் சுற்றி வரும்போது அந்த இடத்துல மட்டும் சுவிட்சை நிறுத்திடுவேன். மற்ற லைட்டுகளுக்கு எங்கே சுவிட்ச் இருக்குன்னு கோவில் எலக்ட்ரீஷியனுக்கு மட்டும்தான் தெரியும்னு நினைக்கிறேன்.

இந்த மாதிரி அலட்சியமா மின்சாரத்தை வீணாக்குறவங்களை சாமானியன் என்ன செய்ய முடியும்?

கண்ட, கண்ட ............................ எல்லாம் இலவசமா கொடுக்குறவங்க சி எப் எல் பல்ப்புகளை அதிக எண்ணிக்கையில தயாரிச்சு நியாயமான லாபத்துல விற்பனை செய்துட்டு குண்டு பல்ப் இருந்தா அந்த வீட்டுக்கு மின்சாரம் துண்டிக்கப்படும்னு சொன்னாலே போதும். 500 மெகா வாட் மிச்சமாகும்.

வெளி மாநிலத்துல வாங்கின மின்சாரத்தை கொண்டு வர வழியில்லைன்னு ஒரு பக்கம் செய்தி வெளிவருது.

அது சரி, 50 ரூபா மதிப்புள்ள ஸ்டாம்ப் பேடு வாங்க டெல்லியில இருக்குற தலைமையிடத்துக்கு எழுதி 1000 ரூபா செலவழிச்சு கொண்டுவர்ற அளவுக்கு நிர்வாகத்துல சட்டச் சிக்கலை வெள்ளைக்காரன் உருவாக்கி வெச்சிட்டு போயிட்டான்.

அந்த காலத்துல இது மாதிரி சில பொருட்கள் எல்லா ஊர்லயும் கிடைக்காது. அதனால அப்படி நடைமுறை இருந்துருக்கலாம். இன்னும் அதையே புடிச்சுகிட்டு தொங்குறோம்.

குஜராத்துல இருந்து தமிழ் நாட்டுக்கு 1000 வாட் மின்சாரம் போகணுமா? ரைட். நெய்வேலியில இருந்து ஆந்திராவுக்கு போற ஆயிரம் வாட் மின்சாரத்தை தமிழ்நாட்டுக்கே கொடுத்துடுங்க.

குஜராத்ல இருந்து இங்க விலைக்கு கொடுக்க வேண்டிய ஆந்திராவுக்கோ கர்நாடகாவுக்கோ பண்ட மாற்று முறையில கொடுக்க முடியாதா என்ன?

செய்ய முடியும். ஆனா நாங்க செய்ய மாட்டோமே. அப்படி செய்தா Line Loss அப்படின்னு சொல்லிட்டு இஷ்டத்துக்கு மின்சாரத்தை திருட முடியாதே.

பகலிலாவது 12 மணி நேரத்துல 6 மணி நேரம் மின்சாரம் இருக்கு. ஆனா ராத்திரியில ஒண்ணரை மணி நேரத்துக்கு ஒரு முறை முக்கால் மணி நேரம்னு போட்டு சாகடிக்கிறாங்களே. இது ஏன்னு நான் சர்வே எடுத்தேன்.

ஆளுங்கட்சி காரர்: ராத்திரியில தொடர்ந்து 3 மணி நேரம் கட் பண்ணினா ஜனங்க பொங்கிடுவாங்க.

(கிழிச்சாங்க. அப்படி பொங்கியிருந்தா முதல் நாள் பன்னண்டு மணி நேரம் கட் பண்ணினப்பவே, எவனைக் கேட்டு வெளி நாட்டு கம்பெனிக்கு 24 மணி நேரமும் மின்சாரம் தர்றேன்னு ஒத்துகிட்டீங்க அப்படின்னு கேட்டுருக்க மாட்டாங்களா?

எதிர்க்கட்சிகளில் ஒருவர் : மூணு மணி நேரம் தொடர்ந்து கட் பண்ணினா சொரணை இல்லாத தமிழன் அதுக்கும் பழகிடுவான். அப்பப்ப திங்கிற சோத்தைப் புடுங்குற மாதிரி கட் பண்ணினாத்தான் கூடங்குளம் வேணும்னு போராடுவான்.

(இதுல லாஜிக் இருக்கே)

எதிர்க்கட்சிகளில் இரண்டாமவர் : ஒரு காலத்துல குலக்கல்வி முறை கொண்டு வந்தாங்க. ஆனா அது ஃபெயிலியர். இப்போ தேர்வு தொடங்க 2 மாசம் இருக்கும்போதுல இருந்து இஷ்டத்துக்கு கட்பண்ணி படிக்க விடாம கவனத்தை சிதற வெச்சாச்சுன்னா, காசு இருக்குறவன் தவிர மற்ற யாரும் பெரிய படிப்பெல்லாம் படிக்க முடியாது.

(இதுவும் உண்மையோன்னு தோணுது. ஏன்னா ஒரு காலத்துல தெரு விளக்கு வெளிச்சத்துல இருந்தே படிச்சு முன்னேறினவங்க உண்டு. ஆனா இப்போ முடியாது. காரணம், அப்போ இந்த அளவுக்கு தான் வீட்டுக்கே காற்று நுழையாத அளவுக்கு வீடு கட்டுற பழக்கம் இல்லை. இவ்வளவு சாக்கடை இல்லை. கொசுவும் இவ்வளவு அதிகமாக இல்லை.)

கூடங்குளம் வேண்டாம்னு ஏழெட்டு மாசத்துக்கு முன்னால பிரச்சனை வெடிச்சப்பவே நான் ஒருத்தர்கிட்ட "இப்ப பாருங்க சார்...வெறும் நூறு இரு நூறு மெகா வாட்டுக்காக கூடங்குளத்தை திறக்கணும்னு சொன்னா எல்லாரும் உதைக்க வருவாங்கன்னு அவங்களுக்கும் தெரியும். அதனால, ஒரு நாளைக்கு 12 முதல் 15 மணி நேரம் கரண்ட்-டை கட் பண்ண ஆரம்பிப்பாங்க. மக்களே போராடி கூடங்குளம் வேணும்னு சொன்னதும் நெய்வேலி, தூத்துகுடி, மேட்டூர்னு இருட்டடிப்பு செய்திருக்குற மெஷினை எல்லாம் ஓட விட்டுட்டு, கூடங்குளத்தாலதான் தமிழ் நாடே ஒளிருதுன்னு சொல்லப்போறாங்கன்னு பேசினேன்.

நல்ல விஷயம் எதுவும் நான் நினைக்குற படி நடக்க மாட்டெங்குது. ஆனா உருப்புடாத விஷயம் எப்படி சார் அப்படியே நடக்குதுன்னு எனக்கு இப்பவும் ஒரு குழப்பம் இருக்கு.

காற்றாலை மின்சாரத்தை வாங்குறதுல பிரச்சனை இல்லை. ஆனா அதன் விலை மிக அதிகம்னு சொல்றாங்க. அப்படி அதிக விலைக்கு வாங்கி வீட்டுக்கு மட்டும் மாச மாசம் ரேஷன் அளவு மாதிரி கொடுத்துட்டு கூடுதல் பயன்பாட்டுக்கு லாபம் வெச்சே கொடுக்க வேண்டியதுதானே.

ஆடம்பர விளக்குகளுக்கு, வியாபார நிறுவனங்களுக்கு குறிப்பா சொல்லப்போனா கல்யாண மண்டபத்துக்கு கூட ஒரு கல்யாணத்துக்கு அரசு மின்சாரம் இவ்வளவுதான்னு ஸ்லோப் வெச்சுடலாம். இதை ஏன் சொல்றேன்னா, காசு கொடுக்குறோம். அதை ஏன் சிக்கனமா செலவழிக்கணும்னு ஒரு எண்ணம் நிறைய மக்களுக்கு இருக்கு. 15 ரூபா பொருளை 1 ரூபாய்க்கு கொடுக்குறதாலதானே இப்படி. 15 ரூபா பொருளுக்கு 17 ரூபா விலை இருந்தா அப்படி செய்ய தோணுமா?

அரசு விரைவுப்பேருந்து முன்பதிவு பயணப்படிவம் இலவசமா கொடுத்தப்போ நிறைய வீணாக்குவாங்க. ஒரு படிவம் 1 ரூபா அப்படின்னு விலை வெச்சதும் இஷ்டத்துக்கு எழுதி கிழிச்சு போடுறது அனேகமா இல்லைனே சொல்லலாம்.

சரி...இந்த மின்வெட்டால நீயும் கடுமையா பாதிக்கப்பட்டிருக்கன்னு தெரியுது... போய் தூங்கு தம்பின்னு யாரோ சொல்றாங்க.

அது உண்மைதாங்க. நானும் ரொம்ப பாதிக்கப்பட்டது உண்மைதான். இதை இன்னும் வெளிப்படையா கேட்டா, என்னையும் ஹீரோவாக்கிடுவாங்களோன்னு பயமா இருக்கு.

டென்சன் ஆகாதீங்க சார். நான் ஹீரோன்னு சொன்னது, சூப்பர் ஸ்டார் மாதிரி இல்லை.(கொஞ்சம் ஓவர்தான்) மௌனகுரு ஹீரோ சார். எப்படின்னா, ஒருத்தனை சாகடிக்கவும் கூடாது. அவன் பேசுறது யார்கிட்டயும் எடுபடவும் கூடாது அப்படின்னு, பைத்தியம்னு முத்திரை குத்தினாலும் குத்திடுவாங்க. என்ன பண்றது...நாம ஜன நாயக நாட்டுல வாழ்றோம்.

என்ன கொடுமை சரவணா இது.

என்ன கொடுமை சரவணன் ?-3

2012-03-08T11:07:00.000+05:30

எனக்கு மட்டும் ஏன் இப்படி? - இந்த கேள்வி உங்களில் பலருக்கும் வெவ்வேறு சூழ்நிலைகளில் உங்கள் மனதில் எழுந்திருக்கும்.

ஆயிரம் மர்பி விதிகள் இருக்கின்றன. இதில் 600வது தேறும். அந்த விதிகளை படித்தால் இதை எல்லாம் டேக் இட் ஈஸி என்று எடுத்துக்கொண்டு நம் பி.பி. ஏறாமல் ஆரோக்கியம் கெடாமல் இருக்க பழகிக்கொள்ளலாம்.

இதை படிச்சுட்டு இதான் எனக்கு தெரியுமே. புதுசா சொல்ல வந்துட்டியாக்கும் அப்படின்னு சண்டை போடப்பிடாது. இந்த விதிகள் எல்லாம் நெட்டுல இருந்து ஒரு புண்ணியவான் எனக்கு அனுப்பினது. உண்மையை சொல்லி நான் முதல்லேயே சரண்டர் ஆயிட்டேன்.

மர்பி விதிகள்

11. நீங்கள் எவ்வளவு அலைந்து கஷ்டப்பட்டு ஒரு பொருளை வாங்கினாலும் நீங்கள் வாங்கியவுடன் மலிவாக இன்னொரு இடத்தில் கிடைத்தே தீரும். அது உங்கள் மனைவியின் கண்களில் தான் முதலில் படும்.

12. ஒரு பொருள் சிறந்ததாக இருந்தால் அதை தயாரிப்பதையே நிறுத்தியிருப்பார்கள்.

13. ஒரு படகோட்டியை நதியைக் கடக்கும் வரை திட்டக்கூடாது.

14. இயந்திரங்கள் என்றால் வேலை செய்ய வேண்டும். மனிதர்கள் என்றால் சிந்தனை செய்ய வேண்டும். பெரும்பாலும் இரண்டுமே நடப்பதில்லை.

15. அடுத்தவரின் செலவு எப்போதும் ஊதாரித்தனமாகவும் தேவையில்லாததாகவும் இருக்கும்.

-விதிகள் தொடரும்...

என்ன கொடுமை சரவணன் ?-2

2012-03-07T10:19:00.002+05:30

எனக்கு மட்டும் ஏன் இப்படி? - இந்த கேள்வி உங்களில் பலருக்கும் வெவ்வேறு சூழ்நிலைகளில் உங்கள் மனதில் எழுந்திருக்கும்.

ஆயிரம் மர்பி விதிகள் இருக்கின்றன. இதில் 600வது தேறும். அந்த விதிகளை படித்தால் இதை எல்லாம் டேக் இட் ஈஸி என்று எடுத்துக்கொண்டு நம் பி.பி. ஏறாமல் ஆரோக்கியம் கெடாமல் இருக்க பழகிக்கொள்ளலாம்.

இதை படிச்சுட்டு இதான் எனக்கு தெரியுமே. புதுசா சொல்ல வந்துட்டியாக்கும் அப்படின்னு சண்டை போடப்பிடாது. இந்த விதிகள் எல்லாம் நெட்டுல இருந்து ஒரு புண்ணியவான் எனக்கு அனுப்பினது. உண்மையை சொல்லி நான் முதல்லேயே சரண்டர் ஆயிட்டேன்.

மர்பி விதிகள்

6. எந்த ஒரு விஷயம் நிறைய பேருக்கு அசெளகரியத்தை தருகிறதோ அது நடந்தே தீரும்.

7. உள்ளூர்க்காரர்கள் தான் தாமதமாக வருவார்கள்.

8. ரகசியம் என்பது வதந்தியின் ஆரம்பம்.

9. ஒரு விஷயம் பற்றிய எந்த இரு மனிதர்களின் புரிதலும் சரிசமாக இருப்பதே இல்லை.

10. எந்த ஒரு அரசியல்வாதி ஒரு பிரச்சனையை தீர்ப்பதற்கு அதிகமாக செலவு செய்கிறாரோ அவரே தேர்ந்தெடுக்கப்படுவார். பிரச்சனை வருவதை முன்கூட்டியே அறிந்து அதை வரும் முன் களைய முற்படும் அரசியல்வாதியோ சீக்கிரமே வீட்டுக்கு அனுப்பி வைக்கப்படுவார்.

-விதிகள் தொடரும்...

என்ன கொடுமை சரவணன் ?-1

2012-03-05T09:53:00.000+05:30

எனக்கு மட்டும் ஏன் இப்படி? - இந்த கேள்வி உங்களில் பலருக்கும் வெவ்வேறு சூழ்நிலைகளில் உங்கள் மனதில் எழுந்திருக்கும்.

ஆயிரம் மர்பி விதிகள் இருக்கின்றன. இதில் 600வது தேறும். அந்த விதிகளை படித்தால் இதை எல்லாம் டேக் இட் ஈஸி என்று எடுத்துக்கொண்டு நம் பி.பி. ஏறாமல் ஆரோக்கியம் கெடாமல் இருக்க பழகிக்கொள்ளலாம்.

இதை படிச்சுட்டு இதான் எனக்கு தெரியுமே. புதுசா சொல்ல வந்துட்டியாக்கும் அப்படின்னு சண்டை போடப்பிடாது. இந்த விதிகள் எல்லாம் நெட்டுல இருந்து ஒரு புண்ணியவான் எனக்கு அனுப்பினது. உண்மையை சொல்லி நான் முதல்லேயே சரண்டர் ஆயிட்டேன்.

மர்பி விதிகள்

1. நீங்கள் ஒரு வரிசையில் நின்று கொண்டிருந்தால் அடுத்த வரிசைதான் வேகமாக நகர ஆரம்பிக்கும்.

2. ஒரு பழுதான பொருளை பழுது பார்ப்பவரிடம் காட்டும்போது (மட்டும்) அழகாக வேலை செய்யும்.

3. எந்த ஒரு வேலையையும் செய்து முடித்தவுடன் அதை எளிதாக முடிப்பதற்கான வழி தென்படும்.

4. எந்த ஒரு சிறிய பிரச்சனைக்கும் பின்னாலும் ஒரு பெரிய பிரச்னை இருக்கிறது என்று அர்த்தம்.

5. நீங்கள் ஒரு விஷயம் தவறாக நடக்க வேண்டும் என்று எதிர்பார்த்தும் அது சரியாகவே நடந்து விட்டது என்றால் அது தவறாக நடந்திருக்குமேயானால் உங்களுக்கு லாபத்தை ஈட்டித்தருவதாக இருந்திருக்கும்.

-விதிகள் தொடரும்...

ஒரு நாளைக்கு 1 மணி நேரம் மின்சாரம்- ம.ஆ.ந.க தேர்தல் வாக்குறுதி

2012-02-07T14:36:00.000+05:30

இந்த பதிவில் நான் எழுதியிருப்பது முழுக்க முழுக்க கற்பனையே. இப்படி சொல்லித்தான் பதிவை ஆரம்பிக்க வேண்டியிருக்கு. இதைப் படிச்சுட்டு எனக்கெல்லாம் ஆட்டோவும் ஆளுங்களும் அனுப்ப மாட்டாங்கன்னு நம்பிக்கை இருக்கு. இருந்தாலும் எல்லாம் ஒரு சேப்டிக்குதான்.

நாங்கள் ஆட்சிக்கு வந்தால் சென்னை மாநகருக்கு ஒரு நாளைக்கு ஒரு மணி நேரம் மின்சாரம் தருவோம் என்று சென்னையில் பிரச்சாரம் செய்த மக்களுக்காக ஆட்சி நடத்தும் கட்சி (ம.ஆ.ந.க) வேட்பாளர் தேர்தல் வாக்குறுதி அளித்தார்.

உலகமெங்கும் பிரபல நாளிதழ்களில் இதுதான் தலைப்புச் செய்தி. இப்போது தமிழகத்தின் மற்ற ஊர்களில் ஏழு முதல் 15 மணிநேரம் மின்வெட்டு இருக்கும்போது சென்னையில் ஒரு மணி நேரம் மட்டுமே மின்வெட்டு இருப்பதாக தெரியவருகிறது. சென்னைக்கே ஒரு நாளைக்கு ஒரு மணி நேரம் மின்சாரம் தருவோம் என்று தேர்தல் வாக்குறுதி தந்தால் மற்ற ஊர்களுக்கு அதோ கதிதான். ஏனென்றால் பொதுவாகவே தேர்தலில் கூறப்படும் நல்ல வாக்குறுதிகள் பெரும்பாலும் நிறைவேற்றப்படுவதே இல்லை. மக்களை சீரழிக்கும் விசயங்கள் மட்டுமே உடனடியாக நிறைவேற்றப்படுகின்றன. உதாரணம் சில இலவசங்கள். இவை கிடைக்கவில்லை என்றால் வீதிக்கு வந்து போராடி, ஓட்டே போட மாட்டோம் என்று ஆவேசமாக பொங்கும் மக்கள் அத்தியாவசிய தேவைக்காக ஒன்று கூடுவதே இல்லை.

பாத்திரத்தில் ஓட்டை இருந்தால் உலகில் இருக்கும் தண்ணீரை எல்லாம் கொண்டு வந்து ஊற்றினாலும் பாத்திரம் நிரம்பாது. இப்போதைய மின்சாரப் பற்றாக்குறையும் அப்படித்தான்.

குறிப்பிட்ட அணுமின்நிலையத்தை திறக்கவேண்டும் என்று மக்களையே போராட வைப்பதற்காகத்தான் நெய்வேலி, தூத்துக்குடி அனல் மின் நிலையங்களில் முழு அளவில் உற்பத்தி செய்யாமல் பராமரிப்பு என்ற பெயரில் யூனிட்டை நிறுத்தி வைத்திருப்பதாக சொல்கிறார்கள். மேட்டூரில் உள்ள புனல் மின் நிலையம் செயல்பட்டால் 600 மெகாவாட் தமிழகத்திற்கு கிடைக்குமாம். இதுவும் 80 சதவீத பணியுடன் அப்படியே மெகாசீரியல் போல் இழுப்பதற்கு அரசியல்தான் காரணம் என்றும் செய்திகள் கசிகின்றன.

காற்றாலைகளில் உற்பத்தியாகும் மின்சாரத்தை முழுமையாக அப்படியே பயன்படுத்திக்கொள்ளத் தேவையான உள்கட்டமைப்பு வசதிகளை இன்னும் சரிவர செய்து முடிக்கவில்லை. மேலும் கிடைக்கும் மின்சாரத்தையும் விலை கொடுத்து வாங்காமல் தட்டிக்கழித்துக் கொண்டிருக்க காரணம் எதிரிக்கட்சி பிரமுகர்கள் அதிக அளவில் அந்த ஒப்பந்தத்தில் இருப்பதாகவும் சொல்கிறார்கள். சாதாரண சாமானியன் ஒருவனின் காதுக்கு எட்டும் வகையில் வெளியில் கசிந்த தகவல்கள் மட்டுமே இவை. ராணுவ ரகசியம் போல் வெளியில் வராமல் அமுக்கப்படும் தகவல்கள் எத்தனை ஆயிரம் எண்ணிக்கையில் இருக்கின்றனவோ தெரியவில்லை.

மேலே உள்ள தகவல்கள் மட்டும் உண்மையாக இருக்கும் பட்சத்தில் வெளிநாட்டிலும் உள்நாட்டிலும் மற்ற இனத்தவர்களாலும் தமிழர்களாலும் அதிக அளவில் வஞ்சிக்கப்படும் ஏமாளிகளாக தமிழர்கள் மட்டுமே முதலிடத்தில் இருப்பார்கள்.

இது ஒரு புறமிருக்க, திருட்டு மின்சாரம், கட்டமைப்பு சரியில்லாததால் ஏற்படும் இழப்பு இதை சரிகட்டினாலே இப்போதைய பற்றாக்குறையில் 50 சதவீதத்தை ஈடுகட்டிவிடலாம் என்று சொல்கிறார்கள். ரேசன் கடைகள் மூலம் குறைவான லாபம் வைத்து சிஎப்எல் பல்ப்புகளை விற்பனை செய்தாலே நாடெங்கும் கணிசமான அளவில் மின்சாரம் மிச்சமாகும்.

அது சரி...ஒரு பிரச்சனையை தீர்க்க யார் மிக அதிகமாக செலவு செய்கிறேன் என்று சொல்கிறாரோ அவரைத்தானே நாம் ஓட்டு போட்டு தேர்ந்தெடுக்கிறோம். அந்த பிரச்சனையே வராமல்இருக்க யார் வழி சொல்கிறாரோ அவரை நாம் ஒதுக்கி விடுவதுதானே காலம்காலமாக நடந்து வருகிறது.

இப்போது ஏன் இவ்வளவு ஆதங்கத்துடன் இந்த பதிவு என்று தானே நினைக்குறீங்க. இப்ப திருவாரூர்ல காலை 6 மணி முதல் 9 மணி வரை, 11.30 முதல் 3 மணி வரை, மாலை 6 முதல் 7 வரை, 8 முதல் 9 மணி வரை, 10.30 முதல் 11.30 வரை, நடு ராத்திரி 12.30 முதல் 1.30 வரை, 2.30 முதல் 3.30 வரை என்று மின்சாரமே இருப்பதில்லை. கடந்த ஐந்து, ஆறு ஆண்டு காலமாக கடுமையான மின்வெட்டு காரணமாக பல வீடுகளிலும் யுபிஎஸ் வைக்கப்பட்டதால் 20 சதவீதம் வரை நுகர்வு கூடியிருக்கிறது. இப்படி வீணாவது எல்லாவற்றையும் கணக்கெடுத்து அதற்குத்தகுந்தாற்போல் திட்டமிடுவதை இனி எந்த அரசியல் வியாதிகளும் செய்யப்போவதில்லை.

அப்புறம் என்னதான் முடிவு?

நான் இந்த பதிவின் முதல் வரியில் சொன்னதுபோல் சென்னைக்கு தினசரி ஒரு மணி நேரம் மின்சாரம் என்று தேர்தல் வாக்குறுதி கொடுப்பார்கள், கொடுப்பார்கள்...கொடுத்துக்கொண்டே இருப்பார்கள். அவ்வளவுதான். நாம் மீண்டும் கற்காலத்துக்கே போகப்போறாம்.

வரும் ஆத்திரத்துக்கு இன்னும் கடுமையாகவே பதிவு எழுதலாம்தான். ஆனால் என்னத்த சொல்ல...பயம்தான் காரணம்.

ஷாக் ஆயிட்டேன்

2012-02-03T17:38:00.000+05:30

'இந்த ஆண்டில் முதல்முறையாக கிரிக்கெட்டில் இந்தியா வெற்றி' அப்படின்னு நாளைக்கு பேப்பர்ல செய்தி வெளிவரும்னு நினைக்குறேன். பொதுவாவே இந்தியாவோட பைனல் டச் என்னன்னு தெரியுமா. முக்கா கிணறு தாண்டிட்டு முக்கி முக்கி முயற்சி செய்துட்டு பட்டுன்னு மண்ணைக்கவ்வுறதுதான். இன்னைக்கும் கடைசி ஒரு ரன் எடுக்குறதுக்குள்ள பசங்களுக்கு நாக்கு தள்ளிடுச்சுன்னு நினைக்குறேன். அவிங்க முடிச்ச மாதிரி 19.4 ஓவர்ல மேட்ச் வின் பண்ணினத பார்த்தா உள்ளுக்குள்ள சேம் கலர் விளையாடியிருப்பாங்களோன்னு தோணுது.

இந்த பதிவுக்கு அரசியல் அப்படின்னு லேபிள் ஏன் கொடுத்தேன் தெரியுமா? கிரிக்கெட் பணம் கொழிக்கவும் மற்ற விளையாட்டுக்கள் நடக்கவே சிரமப்படுறதுக்கும் வீணாய்ப்போன அரசியல்தான் காரணம்னு நான் சொல்ல தேவை இல்லை. எல்லாம் ஊரறிஞ்ச ரகசியம். இந்தியாவுல இருக்குற மக்கள் தொகைக்கு நியாயமான பயிற்சியும் தேர்வு முறையும் இருந்தா ஒவ்வொரு டூருக்கும் ஒவ்வொரு டீமை இறக்கி அசத்தலா ஜெயிக்கலாம். இப்படி கிரிக்கெட்டை திட்டுற நீ டி20 மேட்ச்ல வின் பண்ணினதுக்கு ஏன் பதிவு எழுதுறன்னு தானே கேட்குறீங்க.

நாளைக்கு திருவாரூர்ல காலை 8 மணியிலேர்ந்து மாலை 6 மணி வரை மின் தடை. (இப்பவே நாளைக்கு 40 தடவை கட் ஆகிட்டேதான இருக்குன்னு நீங்க சொல்றது புரியுது.) அதனால ஒரு நாளிதழுக்கு சில செய்திகளை மின்னஞ்சல் மூலமா அனுப்புறப்ப ஸ்கோர் பார்த்ததும் ஒரு பதிவுக்கு மேட்டர் கிடைச்சுடுச்சுன்னு நாலு வரி தட்டி போட்டுட்டேன். அவ்வளவுதான் விஷயம்.

நேசம்-தினமணி கதிரில் நான் எழுதிய கதை பிரசுரம்

2012-01-30T09:24:00.001+05:30

பத்து ஆண்டுகளாக தினமணி அறிவிக்கும் சிறுகதைப்போட்டிகளுக்காக கதைகள் எழுதி அனுப்பிக்கொண்டுதான் இருக்கிறேன். ஒரு முறை கூட பிரசுரம் ஆனதில்லை. தினமணி கதிரில் பேல்பூரி பகுதியில் இரண்டு முறை துணுக்கு எழுதி பரிசு பெற்றதாக நினைவு.

எந்த பெரிய எதிர்பார்ப்பும் இல்லாமல் சாதாரணமாக இப்படி எல்லாம் குடும்பம் இருந்தா எப்படி இருக்கும்னு நினைச்சு எழுதின கதை இது.

வாசிப்பும் நேசிப்பும் அப்படின்னு தலைப்பு வெச்சு நான் எழுதின கதைக்கு நேசம்னு அவங்க தலைப்பு கொடுத்திருக்காங்க. கதையின் கரு அதுதான்.

வாசிப்பும் நேசிப்பும் அப்படின்னு நான் கொடுத்த தலைப்பை அவங்க மாற்றியதற்கு காரணம், ரெண்டு வாரத்துக்கு முன்னால கதிரில் வெளிவந்த சிறப்புகட்டுரைக்கு வாசிப்பும் நேசிப்பும் தலைப்பு வந்துட்டதால இருக்கலாம்.

**********************

ஏங்க...இந்தக் கதையைக் கேட்டீங்களா...நம்ம பொண்ணுக்கு கல்யாணம் முடிஞ்சு ஒரு வாரம்தான் ஆகுது. புதுப்பொண்டாட்டியை அழைச்சுக்கிட்டு ஊட்டி, கொடைக்கானல்னு போகாம, தன் அம்மா அப்பாவையும் அழைச்சுக்கிட்டு மதுரை, திருச்செந்தூர்னு கோயில் கோயிலா அலையப் போறாராம் மாப்பிள்ளை. இந்தக் கொடுமையை எங்க போய் சொல்றது?''என்று கணவனிடம் புலம்பினாள் மங்கையர்க்கரசி."

"பொதுவா பொண்ணு வீட்டுல கேட்டு வாங்குற வரதட்சணை, சீர்வரிசையைப் பத்தி மாப்பிள்ள புது விளக்கம் கொடுத்ததும் எல்லாருமே அசந்துட்டீங்க. ஆனா இப்ப மாப்பிள்ள நடந்துக்குறதைப் பார்த்தா பொண்டாட்டிகிட்ட தனியா பேசுறதுக்குக் கூட அம்மாவோட அனுமதி இல்லாம செய்யமாட்டார் போலிருக்கே'' என்று தன் பங்குக்கு மங்கையர்க்கரசியைக் குழப்பினார் நமச்சிவாயம்.

ஒரு சில ஆண்டுகளுக்கு முன்பு சசிகலாவைப் பெண் பார்க்க வந்த நபர், "உங்களுடைய ஆர்ப்பாட்டமில்லாத அழகும் அதிர்ந்து பேசாத குணமும் எனக்கு ரொம்ப பிடிச்சிருக்கு'' என்று சம்மதத்தை தெரிவித்தான். ஆனால் அவனது பெற்றோர் கேட்ட வரதட்சணையை சசிகலாவின் பெற்றோரால் தர முடியாத நிலை. உங்கள் எதிர்பார்ப்புக்கு ஈடுகொடுக்க எங்களால் முடியாது. மன்னிக்கவும் என்று தகவல் அனுப்பி விட்டார்கள்.

அதைப் பார்த்து பதறிப் போய் ஓடிவந்த அந்த இளைஞன், ""என்னோட சேமிப்பு நிறையவே இருக்கு. அதைத் தர்றேன். எங்க அம்மா கேட்ட வரதட்சணையை நீங்களே செய்யுற மாதிரி சபையில பண்ணிடுங்க'' என்று சொன்னான்.

"உங்க அம்மாகிட்ட பேசி வரதட்சணையே வேண்டாம்னு சம்மதிக்க வெச்சிருந்தா நான் சந்தோஷப்பட்டிருப்பேன். எனக்காக உங்களைப் பெத்தவங்களயே உதறத் துணிஞ்சுட்டீங்க. நாளைக்கு வேற காரணத்துக்காக என்னைய ஒதுக்க மாட்டீங்கன்னு என்ன நிச்சயம்''...என்று சசிகலா கேட்ட கேள்வியில் அவன் பதில் சொல்ல இயலாமல் வியர்த்து விறுவிறுத்து எதுவும் சொல்லாமல் போனவன்தான். பிறகு பதிலே இல்லை.

அதன்பிறகு வந்த வரன்கள் எல்லாம் ஜாதகப்பொருத்தம் இருந்தால் வரதட்சணையை இவர்களது சக்திக்கு மீறிக் கேட்டார்கள். குறைவாக கேட்டால் அந்த மாப்பிள்ளைக்கு ஏதாவது குறையிருக்குமோ என்ற குழப்பத்தில் யாரிடமாவது சசிகலாவின் அப்பா விசாரிக்கப் போக, அது வம்பில் முடிந்துவிடும்.இதையெல்லாம் விடுத்து நிஜமாகவே புரட்சிகரமான எண்ணத்துடன் வரதட்சணை வாங்காமல் திருமணம் செய்துகொள்ள வந்த வரனின் ஜாதகம் பொருத்தம் இல்லை என்று சசிகலாவின் தந்தை பின்வாங்கிவிட்டார்.

ஆனால் சுந்தரேசன் வரதட்சணையாகவும் கேட்கவில்லை. அதே சமயம் எதுவுமே வேண்டாம் என்றும் சொல்லவில்லை.""உங்க பொண்ணுக்கு நீங்க என்ன செஞ்சாலும் சரி. இது வெறும் சம்பிரதாய வார்த்தையா நான் சொல்றதா நினைக்காதீங்க. எனக்கு வரப்போற மனைவி சீர்வரிசை கொண்டு வரணும்னு அவசியமில்லை'' என்று சொன்னான் தொடர்ந்து,

" ஆனா அவங்க எதுவுமே எடுத்துட்டு வரலைன்னா யாரோ ஒருத்தர் வீட்டுல விருந்தாளியா தங்கியிருக்குற எண்ணம்தான் அவங்களுக்கும் வரும். தான் பிறந்த வீட்டுல இருந்து பொருட்களை எடுத்து வந்தா இந்த வீட்டுல இருக்குறதும் இந்த மனுஷங்களும் என் சொந்தம்னு அன்னியோன்யம் வரும். இதுவும் என் வீடு அப்படின்னு மனது இயல்பு நிலைக்கு வந்துடும்'' என்று அவன் தெளிவாகப் பேசியதும் சசிகலாவுக்கு ரொம்பவே பிடித்து விட்டது.

அவனைப்பற்றி மற்ற குணங்கள் அதிகம் தெரியவில்லை என்றாலும் இவன் மனிதர்களை மதிக்கத் தெரிந்தவன் என்பது புரிந்தது.சீர்வரிசையின் அவசியத்தைப் பற்றி அவன் சொன்ன கருத்தைக் கேட்டு, "இந்த கோணத்தில் நாம சிந்திக்கவே இல்லையே...' என்று சசிகலாவின் பெற்றோர் திருமணத்திற்கு சம்மதித்து விட்டனர்.சுந்தரேசன் சசிகலா திருமணத்திற்கு முதல்நாள் வரவேற்பு நடந்து கொண்டிருந்த நேரம்.அந்தக் கூட்டத்தில் இருந்தவன், "பொண்ணு கருப்பா இருந்தாலும் களையா இருக்காங்கடா...'' என்று மாப்பிள்ளயின் காதில் கிசுகிசுத்தான்.

"இரட்டையர்கள் கிட்ட கூட பத்து வித்தியாசத்தை அவங்க தாயால சொல்ல முடியும். அந்த அளவுக்கு ஒவ்வொருத்தருக்கும் தனித்தனி அடையாளம் உண்டு. சசிகலாவோட நிறம் அவங்களாட தனித்தன்மை'' என்று நண்பனைக் கடிந்து கொண்டான் மாப்பிள்ள சுந்தரேசன்.

"சாரி நண்பா...ஒருத்தரோட நிறம், பிறப்பு, மாற்றுத்திறன் இதைப் பற்றி பேசுனா உனக்குப் பிடிக்காதுன்னு நல்லாவே தெரியும். அதை விடு. நிச்சயதார்த்தம் முடிஞ்சாலே பாதி கல்யாணம் முடிஞ்ச மாதிரின்னு சொல்லுவாங்க. ஆனா இப்போ வரவேற்பும் முடிஞ்சுடுச்சு. ஆனா அவங்க, இவங்கன்னு மரியாதையா கூப்பிடுறதைப் பார்த்தா இன்னும் பொண்ணு மேல உனக்கு பயம் போகலை போலிருக்கே'' என்று கிண்டல் பேச்சை ஆரம்பித்தான் அந்த நண்பன்.""போடி, வாடின்னு பேசுறதெல்லாம் எங்களோட பர்சனல். அதை நாங்க ஊருக்கு வெளிச்சம் போட்டுக் காட்டணும்னு அவசியம் இல்லை'' என்று அந்தப் பேச்சுக்கு முற்றுப்புள்ளி வைத்தான் சுந்தரேசன்.இந்த உரையாடல்களில் எந்த தவறும் இல்லாததால் யாரும் ரகசியமாகப் பேசவில்லை. அதனால் மணமகள் தம்பியின் தோழன் மூலமாக இந்த உரையாடல் சசிகலாவைச் சென்றடைந்தது.

"இவ்வளவு சம்பாதிக்கிற ஆள் வரதட்சணை, சீர் எதையும் கட்டாயப்படுத்தி கேட்காம இருக்கவும் எனக்குச் சின்னதா சந்தேகம் இருந்துச்சுக்கா. இப்ப அவரோட பிரெண்ட்ஸ் கூட இயல்பா பேசினதைக் கேட்டதும் நம்பிக்கை வந்துடுச்சு. எதிர்பார்த்ததை விட பல மடங்கு சூப்பரான மாப்பிள்ள உனக்குக் கிடைச்சிருக்கார்'' என்று அவன் புகழ்ந்துவிட்டு சென்றதும் சசிகலாவின் முகத்தில் இன்னும் பூரிப்பு கூடியது.

திருமணமும் வழக்கமான கேலி, கிண்டல், சாப்பாட்டில் இது தூக்கல், அது குறைச்சல் என்ற முணுமுணுப்புடன் இனிதே நடந்து முடிந்தது.தேனிலவுக்கு எந்த ஊருக்கு அழைச்சுட்டு போகப்போறேன்னு சொல்லாம சஸ்பென்சா வெச்சிருக்காரே. நிச்சயம் நாம எதிர்பாராத இன்ப அதிர்ச்சியைத்தான் தரப்போறாரு என்று குதூகலத்தை எதிர்பார்த்திருந்தாள் சசிகலா.சுந்தரேசனும் கொடுத்தானே ஓர் அதிர்ச்சி வைத்தியம். அதை சசிகலா நிச்சயமாக எதிர்பார்க்கவில்லை.

ஆம்...திருமணத்தின் பிறகு மறுவீடு செல்லும் சடங்குகள் எல்லாம் முடிந்தவுடன் மதுரை, திருப்பரங்குன்றம், திருச்செந்தூர், சுசீந்திரம், கன்னியாகுமரி என்று ஆன்மிகத் தலங்களுக்குச் சுற்றுலா ஏற்பாடு செய்துவிட்டான். அதுவும் அவனுடைய அப்பா அம்மாவுடன் சேர்த்து

."கல்யாணம் முடிஞ்ச சூட்டோட மலை ஏரியாவுக்கு மனைவியை அழைச்சுட்டுப் போகாம அறுபதாம் கல்யாணம் செஞ்சவன் போல கோயில் குளத்தை சுத்த கிளம்பிட்டாரே என்று சசிகலாவின் பெற்றோர் கவலைப்பட ஆரம்பித்தார்கள்.சசிகலாவிடம் அவள் அம்மா போனில் பேசியபோது,

"எல்லா விஷயத்துலயும் ரொம்ப பர்ஃபெக்டா இருக்குற ஆள்தான். கொஞ்ச நாள் அவர் போக்குக்கு விட்டுடுவோம். அவர் மனசுல என்ன இருக்குன்னு தெளிவா தெரிஞ்சுகிட்டு நான் இது பற்றி பேசுறேன். அவசரப்பட்டு குட்டையைக் குழப்பிட வேண்டாம்'' என்று சொல்லிவிட்டாள் அவள்.சசிகலா, திருமணத்தன்றே மாமியாரை நினைத்து சற்று குழம்பித்தான் இருந்தாள்.

"நல்ல சந்தோஷமான மனநிலையில இருக்குறப்பவே புள்ளயையும் மருமகளயும் தனிக்குடித்தனம் விட்டுட வேண்டியதுதான். அப்புறம் பிரச்சனை பெரிசாகி அவளா கழுத்தைப்பிடிச்சு வெளியில தள்ளுறதுக்குள்ள நாமே மரியாதையைக் காப்பாத்திகிட்டா நல்லதுதானே'' என்று சுந்தரேசனின் அம்மா, யாரிடமோ பேசிக்கொண்டிருந்த செய்தியும் காற்றிலே கலந்து சசிகலாவிடம் வந்து சேர்ந்துவிட்டது.

"சசி...உன் மாமியார் மெகா சீரியல் பைத்தியம்னு நினைக்கிறேன். கொஞ்ச நாள்ல நீ உன் மாமனார் மாமியாரை வீட்டை விட்டு விரட்டிடுவேன்னு பயந்து இப்பவே உங்களைத் தனிக் குடித்தனம் அனுப்பிடலாம்னு பேசிகிட்டு இருக்காங்க. சரியான முன்ஜாக்கிரதைன்னு தோணுது'' என்று சசிகலாவின் சித்தி தன் காதில் விழுந்த செய்திகள சுருட்டி இவளிடம் பற்ற வைத்துவிட்டாள்.

அக்கம்பக்கத்தில் மாமியார் மருமகள் சண்டை நடக்கும்போது நம்ம தம்பி பொண்டாட்டி இதே மாதிரி நம்ம அம்மா, அப்பாகிட்ட நடந்துகிட்டா எவ்வளவு வேதனையா இருக்கும். அதனால நான் கல்யாணமாகி போற இடத்துல மாமனார் மாமியாரை நல்லபடியா வெச்சுக்கணும் என்று தனக்குத்தானே உறுதிமொழி எடுத்துக்கொண்டிருந்தாள் சசிகலா.

ஆனால் திருமணம் முடியும் முன்பே வரப்போகும் மருமகள் ராட்சசியாக இருந்து விட்டால் என்ன செய்வது என்று பயப்படும் மாமியார் நம்முடன் ஒட்டுதலுடன் பழகுவாரா...நாம் நெருங்கிப்போனாலும் அவரது அடிமனதில் உள்ள அச்சத்தின் காரணமாக நான் செய்யும் ஒவ்வொரு காரியத்திலும் குற்றம் கண்டுபிடித்தால் என்ன செய்வது என்ற சந்தேகமான மனநிலையில்தான் சசிகலா இருந்தாள்.

அதனால்தான் சுந்தரேசன் தேன்நிலவுப் பயணம் போக வேண்டிய நேரத்தில் அவன் அம்மா அப்பாவை சேர்த்து அழைத்துக்கொண்டு கோவில், குளம் என்று அலைந்ததும் வெறுப்பு ஏற்படவில்லை. எந்த ஒரு விஷயத்தையும் நேர்த்தியாக செய்யும் அவன் இதைக்கூட ஏதாவது காரணமாக செய்யலாம் என்று நம்பினாள்.

அந்தரங்கமான நேரத்தில் கூட தொழில், பெற்றோர், உறவினர் என்று எதையாவது பேசி நேரத்தை வீணடிக்காமல் தன்னைப்பற்றி சொன்னதுடன் சசிகலாவுக்கு பிடித்ததைப் பற்றி கேட்டான். அதனாலேயே அவளுக்கு சுந்தரேசனை இன்னும் அதிகமாகப் பிடித்தது.இவர்கள் ஆன்மிகத் தலங்களுக்கு குடும்பத்துடன் சென்றுவிட்டு வந்த ஒரு வாரம் ஆகியிருக்கும். அன்று இரவு சாப்பாட்டு நேரம். "

"டேய் சுந்தரேசா...ரொம்ப வருஷமா நாங்க பார்க்கணும்னு ஆசைப்பட்ட இடத்துக்கெல்லாம் அழைச்சுட்டுப் போய்ட்டே... உங்களோட அந்தக் கோயில்களுக்குப் போய் தரிசனம் செய்யும்போது ரொம்பவே மனநிறைவா இருந்துச்சு. எங்களுக்கு இந்த சந்தோஷம் போதும்...நீ முதல்ல உன் பொண்டாட்டியை அழைச்சுகிட்டு அவ ஆசைப்படுற இடத்துக்கு போயிட்டு வா''என்றாள் அவன் தாய்."

"ஒவ்வொரு காரியமும் இவங்க சொன்னாத்தான் நடக்குமா...சுத்தம்...'' என்று சசிகலாவின் மனதுக்குள் சலிப்பு தோன்றியது."

"அந்த ஏற்பாடு எல்லாம் ரெடி. அவ போகணும்னு ஆசைப்பட்டதுல ஆறு ஊர்களுக்கு போற மாதிரி நாலு நாள் டூர் பிளான் பண்ணி டிக்கட்டும் ரிசர்வ் பண்ணிட்டேன். அடுத்த வாரம் வியாழக்கிழமை கிளம்பணும்'' என்று சுந்தரேசன் சொன்னதும் சசிகலாவின் முகத்தில் புன்சிரிப்பு தோன்றியது.அன்று இரவு."

"என்ன சசி...இவன் தேன்நிலவுக்குப் போக வேண்டிய நேரத்துல அம்மா அப்பாவோட கோவில் குளம்னு போறானே. நம்மள இனிமே எங்க தனியா அழைச்சுட்டு போகப்போறான்னு உன் மனசுல ஏமாற்றம் இருந்துருக்குமே...'' என்று அவன் கேட்டதும் சசிகலா முகத்தில் வியப்பு.

"எதிராளி மனசுல என்ன ஓடுதுன்னு பேப்பர்ல இருக்குறமாதிரி தெரியுமா?...இவ்வளவு கரெக்டா சொல்றாரே...' என்று நினைத்து எதுவும் பதில் சொல்லாமல் இருந்தாள். எப்படியும் அவனே இதற்கு விளக்கம் சொல்வான் என்று இவளுக்கும் தெரியும்.""எங்க அம்மா மட்டுமில்லை...ரொம்ப பேர் இப்படித்தான் பயப்படுறாங்க. அதே மாதிரி மருமகள்களும் நினைக்கிறாங்க. மெகா சீரியல் வர்றதுக்கு முன்னால மாமியார் - மருமகள் சண்டை இல்லையான்னு கேட்கலாம். வாசல் கதவு இடிச்சுடுச்சு...அதனால மாமியாரை வீட்டை விட்டு அனுப்பனுங்குறதுக்கு மெகாசீரியலும் முக்கிய காரணம்.

இந்த சூழ்நிலையில மனைவி பக்கம் கணவன் சாஞ்சா பெத்தவங்களுக்கு முதியோர் இல்லம் அல்லது வீட்டு வராண்டா. ரெண்டு பக்கமும் முடிவெடுக்க முடியாம திணறுனா ரொம்ப சீக்கிரம் விவாகரத்துக்கு காரணமாயிடுது.வேலை பார்க்குற இடத்துல யார் யாரையோ அனுசரிச்சு போறோம். ஆனா நம்மளாட வாழ்க்கையை நிம்மதியாவும் சந்தோஷமாவும் அமைச்சுக்க கொஞ்சம் கவனமா நடந்துகிட்டா போதும். எந்த பிரச்சனையும் வராது.கல்யாணம் ஆன கையோட அவங்கள கோவிலுக்கு அழைச்சுட்டு போனதால அம்மா வாயிலேர்ந்தே உன்னைத் தனியா கூட்டிட்டு போகணும்னு சொல்லிட்டாங்க. மனைவியை சந்தோஷமா வெச்சுக்குறதுக்கும் யாரோட பர்மிஷனும் தேவையில்லைன்னு நினைக்குற ஆள்.ஆனால் உரசல் வரக் கூடாது பார்'' என்று நீண்ட "லெக்சர்' அடித்தான்..

பெத்தவங்களா, மனைவியோ பிரச்னை பண்ணினா யாராவது ஒருத்தர் பக்கம் சாய்ஞ்சுடாம அந்த சிக்கலுக்கான காரணம்னு பார்த்து அதை சரிசெய்யுற குணத்துடன் இருக்கும் கணவனை நினைத்து சசிகலாவு அடைந்த சந்தோஷத்துக்கு அளவே இல்லை."புண்ணுக்கு புனுகு தடவாம காயத்தை ஆறவைக்கிற வித்தையை எங்க கத்துகிட்டீங்க...'' என்று சசிகலா சொல்லவும் செய்தாள்.

அவளது கைகளைப் பற்றிக்கொண்ட சுந்தரேசன், " மனுஷனை மனுஷனா மதிச்சு நேசிக்கணும். ரொம்ப சாதாரணம். மத்தவங்க நம்மள எப்படி நடத்தணும்னு நாம விரும்புறோமோ அப்படியே நாமளும் மத்தவங்கள நடத்தணும். இது ரொம்ப சிம்பிள் கான்செப்ட் ''என்றவனுக்குள் ஐக்கியமானாள் சசிகலா.

-------------------------------------------

பொங்கல் அன்று திருவாரூர் மக்கள் மனதில் மகிழ்ச்சி பொங்க வைத்த ஆன்மீகம் ஆனந்தம்

2012-01-25T16:52:00.000+05:30

திருவாரூரில் உள்ள பலதரப்பட்ட மக்களுக்கும் பிரபல சொற்பொழிவாளர் சுகி.சிவத்தின் நேரடி உரையை கேட்கும் வாய்ப்பை திருவாரூரில் பூத்த ஆன்மீகம் ஆனந்தம் அமைப்பு ஏற்படுத்தி தந்தது.

நான்கு தொழிலதிபர்கள் சேர்ந்து வாக்கிங் போனால் அவர்களின் பேச்சு தங்களின் ஆரோக்கியத்தைப்பற்றியும், தொழில் வளர்ச்சியைப்பற்றியதாகவுமே அமைவதுதான் இயல்பு. திருவாரூரிலும் அப்படி நான்கு பேர் தங்கள் உடல் ஆரோக்கியத்துக்காக வாக்கிங் போக ஆரம்பித்தது மார்கழி மாதத்தின் அதிகாலையில் ஒவ்வொரு நாளும் ஆலய தரிசனம் என்று விரிவடைந்து அதனால் ஏற்பட்ட மனநிறைவை மற்றவர்களும் அடைய வேண்டும் என்ற பரந்த நோக்கத்தால்தான் ஆன்மீகம் ஆனந்தம் என்ற அமைப்பு உருவானது என்று இந்த அமைப்பு தோன்றிய வரலாறைக் கேட்கும்போதே சந்தோஷமாகத்தான் இருக்கிறது.

ஆன்மீகம் ஆனந்தம் அமைப்பின் சார்பில் இதுவரை நடத்தப்பட்ட நிகழ்ச்சிகள்

2011ஆம் ஆண்டு ஆரம்பத்தில் ஆன்மீகம் ஆனந்தம் அமைப்பை ஏற்படுத்தி தொடக்க விழாவை திருவாரூர் ஏகேஎம் மண்டபத்தில் நடத்தினார்கள். அந்த விழாவில் கலந்து கொண்ட நல்ல உள்ளங்களை நினைத்து மகிழ்ச்சி அடைந்த அமைப்பினர் 2011ம் ஆண்டு ஜனவரி 15ம் தேதி அர்ச்சனா சத்தியமூர்த்தி, ஸ்ரீதரன் ஆகியோரின் ஆன்மீக சிறப்புரை, மார்ச் 19ஆம் தேதி தேச.மங்கையர்க்கரசியின் ஆன்மீக சொற்பொழிவு, ஏப்.22ம் தேதி சுவாமி வீரபத்ரானந்த மகராஜின் ஆன்மீக சொற்பொழிவு, ஜுன் 12ம் தேதி புலவர் ராமலிங்கத்தின் ஆன்மீக சிறப்புரை, ஜூலை 3ம் தேதி சுவாமி கமலாத்மானந்தர் மகராஜ், சென்னை வீரமணிகண்ணன் பக்தி பாமாலை கேசட் வெளியீடு, சொற்பொழிவு, ஆக.2ம் தேதி சாரதா நம்பி ஆரூரன் ஆன்மீக ஆனந்த பேருரை, அக்.15ம் தேதி இளம்பிறை மணிமாறனின் ஆன்மீக சொற்பொழிவு ஆகியவற்றை நடத்தியிருக்கிறார்கள்.

வெகுவிரைவாக ஓராண்டு நிறைவடையும் சூழலில் சுகி.சிவம் அவர்களின் சொற்பொழிவை தை மாதம் முதல் நாள், ஏ.கே.எம் திருமண அரங்கில் ஏற்பாடு செய்திருப்பதாக அமைப்பின் செயலாளர் கே.ரெத்தினவேலு மார்கழி மாத தொடக்கத்தில் சொன்னபோது அந்த இடம் பத்தாதே. தியாகராஜசுவாமி கோயில் பிரகாரத்தில் நடத்தினால்தானே சுகி.சிவத்தின் பேச்சைக்கேட்கப்போகும் மக்கள் வெள்ளத்திற்கு சரியாக இருக்கும் என்று நினைத்துக்கொண்டேன். ஆனால் அதை அவரிடம் கூறவில்லை.

ஏன் என்றால் இதைப்பற்றி நாம் ஆலோசனை சொல்லத் தேவை இருக்காது என்றுதான் நினைத்தேன். அந்த அளவுக்கு ஒவ்வொரு நிகழ்ச்சியையும் முறையாக திட்டமிட்டு சிறப்பாகவே நடத்தி வருகிறார்கள். நான் நினைத்தது போலவே திருவாரூர் பெரிய கோயிலின் கமலாம்பாள் சன்னதிக்கு எதிரிலேயே சொற்பொழிவுக்கான இடமாக தேர்வு செய்தார்கள். அவர்கள் நினைத்ததை திருவாரூர் மக்களும் மெய்ப்பித்துவிட்டார்கள். ஆம். ஏற்கனவே திட்டமிட்டபடி திருமண மண்டபத்திலேயே விழா நடைபெற்றிருந்தால் பாதி மக்கள் வெள்ளத்திற்கு கூட அந்த இடம் பத்தாமல் போயிருக்கும். பிரமாண்டமான மக்கள் வெள்ளத்தை பிரமாண்டமான கோயில் பிரகாரம் சிந்தாமல் சிதறாமல் உள்வாங்கிக்கொண்டது.

சுகி.சிவத்தின் பேச்சுக்கு அவ்வளவு ஈர்ப்பு இருக்கக் காரணமே அவரது எளிமையான கருத்துக்கள்தான். மிகவும் சிம்பிளாக ஆரோக்கியம் - ஆன்மீகம் - ஆனந்தம் ஆகியவற்றுக்கு வழியைக் கூறிவிட்டார்.

ஆன்மீகத்தின் பேரில் உடலை பட்டினி போடாமல் இருந்தால் ஆரோக்கியம் வரும். ஆரோக்கியம் இருந்தால் ஆன்மீகத்தில் தன்னை மறந்து ஈடுபாடு வரும். அதில் ஈடுபாடு அதிகமானால் பிரச்சனைகளை வெகு எளிதாக சமாளித்து கடந்து செல்லும் மன நிலை உருவாகும். மன நிலை சமன்பட்டாலே ஆனந்தம்தான். எனக்கு புரிந்த வரையில் என் பார்வையில் சுகி.சிவம் சொல்ல வந்த இதுதான் அவர் ஆற்றிய சொற்பொழிவின் சாரம்சம்.

சொல்லின் செல்வர்-கலைமாமணி-திரு.சுகி.சிவம் அவர்களின் சிறப்பு சொற்பொழிவில் முக்கிய துளிகள்:

மராட்டிய மாமன்னன் சத்ரபதி சிவாஜி ஒரு முறை, எவ்வளவு பேருக்கு நான் அன்னதானம் செய்கிறேன் என்று நினைத்து கர்வமடைந்தாராம். அவரின் குரு ஒரு பாறையை உடைக்கச்சொன்னாராம். அந்த பாறைக்குள் ஒரு தேரையும், சிறிது நீரும் இருந்திருக்கிறது. இந்த தேரைக்கும் நீதான் உணவு படைத்தாயா என்று குரு கேட்டதும் சிவாஜியின் தான் என்ற அகந்தை அழிந்தது.

பொங்கல் என்பதே நன்றி செலுத்தும் விழாதான். ஒருவரிடம் பேனா கடன் வாங்கினாலே திரும்ப கொடுக்கும் போது (எல்லாரும் திருப்பி கொடுப்பதில்லை) நன்றி கூறுகிறோம். நாம் இப்போது உண்ணும் உணவை உருவாக்க காரணமான சூரியனுக்கும், அதற்கு உதவிய கால்நடைகளுக்கும் நன்றி சொல்லும் விழாதான் பொங்கல். இந்த தகவல் நகர வாசிகளாக இருக்கும் பலருக்கு தெரிந்திருக்க நியாயமில்லை. (எனக்கும் இதுவரை தெரியாது).

கடவுள் குடியிருக்கும் வீடு என்பது உடம்பு. அதை விரதம், வேண்டுதல் என்ற பெயரில் துன்புறுத்துவது பாவம். நம் பிள்ளைகள் பட்டினி கிடந்தாலோ, உடலில் காயம் ஏற்படுத்திக்கொண்டாலோ அதை நாம் விரும்புவதில்லை. நாம் அனைவரும் கடவுளின் குழந்தைகள். நாம் நம்மை வருத்திக்கொண்டால் அது எப்படி கடவுளுக்கு மகிழ்ச்சியைத்தரும்? மனித உடம்பைப்போன்ற ஒரு இயந்திரத்தை எத்தனை கோடி செலவு செய்தும் உருவாக்க முடியவில்லை. அத்தனை மதிப்பு மிக்க உடலை கடவுள் நமக்கு சும்மா கொடுக்காமல் 5 கோடிரூபாய் டெப்பாசிட் வாங்கிக்கொண்டு கொடுத்திருந்தால் ஒழுங்காக பராமரிப்போமோ என்னவோ.

முதலில் அன்னத்தை மனிதன் உண்கிறான். பிறகு அன்னம் மனிதனை உண்கிறது. -இது உண்மைதான். அந்த நேரத்துக்கு காப்பி குடிக்கலைன்னா தலையே வெடிச்சுடும் என்று கூறும் வழக்கம் எவ்வளவோ பேருக்கு உண்டு.

பள்ளிகளில் உடற்பயிற்சி வகுப்பு என்பதே மற்ற ஆசிரியர்கள் பங்கு போடத்தான் இருக்கிறது. கணக்கு, அறிவியல், ஆங்கிலம் என்று அத்தனை ஆசிரியர்களும் மொத்தமாக குறிவைப்பது உடற்பயிற்சி வகுப்புகளைத்தான். உடற்பயிற்சி, விளையாட்டு போன்றவற்றில் ஈடுபட்டு உடலில் சேரும்சக்தி நியாயமாக செலவழிக்கப்பட்டால் அந்த குழந்தைகளின் மற்ற சேட்டைகள் குறையும். பாடம் மட்டும் கேட்கும் குழந்தைகள் சிடுமூஞ்சிகளாகத்தான் இருப்பார்கள். உங்கள் மகன் அறிவாளியாக இல்லாமல் போனால் நஷ்டம் இல்லை. அவன் ஏதாவது செய்து பிழைத்துக்கொள்வான். ஆனால் நோயாளியாக இருந்தால் கஷ்டம்.

கிராமத்து ஆசாமி ஒருவர் முதன்முதலில் கிரிக்கெட் பார்க்கும்போது, அவன்தான் பந்து வேணாம் வேணாம்னு சொல்லி அடிக்கிறானே. அப்புறம் ஏன் இவன் திரும்ப திரும்ப போடுறான்? என்று கேட்டாராம்.இப்போது வழக்கம்போல் இந்திய கிரிக்கெட் அணி ஆஸ்திரேலியாவில் உதை வாங்குவதை வைத்தும் நகைச்சுவையாக சில வார்த்தைகள் பேசினார் சுகி.சிவம்.

ஒருவன் நல்லதை கற்றுக்கொள்ள வேண்டும் என்று முடிவு செய்துவிட்டால் எங்கும் எதிலும் கற்றுக்கொள்ளலாம். கிரிக்கெட்டில் பேட்ஸ்மேனை நோக்கி போடப்படும் ஒவ்வொரு பந்தும் அவனை அவுட் செய்யத்தான். அந்த பந்தை விளாசி போர், சிக்ஸ் என்று அடிப்பது பேட்ஸ்மேனின் சாமர்த்தியம். வாழ்க்கையும் இப்படித்தான். நம்மைச் சுற்றி உள்ளவர்கள் நம்மை அவுட்டாக்கத்தான் பார்ப்பார்கள். அந்த முயற்சிகளை சாதனையாக மாற்றுவதுதான் நம் திறமை.

கிரிக்கெட்டில் ஒருவனை அவுட்டாக்க 11 பேர் முயற்சிப்பார்கள். வாழ்க்கையும் அப்படியே. நாம் அவுட்டாகி விட்டால் கூடியிருக்கும் 10ஆயிரம் பேர் கை தட்டுவார்கள். அதே சமயம் நாம் அந்த பந்தில் போர் அல்லது சிக்ஸ் அடித்தாலும் அவர்கள் கைதட்டுவார்கள். உலகம் நாம் வாழ்ந்தாலும் பேசும், தாழ்ந்தாலும் ஏசும்.

வயிறு என்ன குப்பைத்தொட்டியா?

பெண்களிடம் ஒரு கெட்டபழக்கம் உண்டு. விரதம், அது இது என்று காரணம் சொல்லி நாள்கணக்கில் சாப்பிடாமல் கூட இருந்துவிடுவார்கள். அதேசமயம் மீதமாகிவிடும் சாப்பாட்டை குப்பைத்தொட்டியில் போடுவதற்கு பதிலாக தன் வயிற்றுக்குள் போட்டு அடைக்கும் வேலையையும் கச்சிதமாக செய்வார்கள். கேட்டால், விலைவாசி இருக்குற நிலைமையில எப்படி கீழே கொட்டுறது? என்று நமக்கே எதிர்கேள்வி வரும். இப்படி உடம்பைப் படுத்தும் காரணத்தால் வீணாகிவிடும் என்று நினைத்த சாப்பாட்டின் மதிப்பை விட பல மடங்கு மருத்துவத்துக்காக செலவழிக்க நேரிடுவதை உணருவதே இல்லை.

இந்திய கலாச்சாரப்படி ஒரு நாளைக்கு 3 வேளையாக உணவை சாப்பிடுவதில் எனக்கு உடன்பாடு கிடையாது. இந்த விஷயத்தில் சீனர்களைப்போல் ஆறு வேளையாக பிரித்து சாப்பிடுவதுதான் ஆரோக்கியத்துக்கு நல்லது. சர்க்கரை அளவு கூடுதலாக உள்ளவர்களை கொஞ்சம் கொஞ்சமாக பிரித்து சாப்பிடுமாறு மருத்துவர்கள் அறிவுறுத்துவார்கள். இப்படி கொஞ்சம் கொஞ்சமாக பிரித்து சாப்பிட்டால் உடலின் ஜீரண உறுப்புகளுக்கு வேலை சுலபமாக இருக்கும்.

இந்த உலகில் சந்தோமாக இருப்பவன் யார்? குறைந்த பட்ச துக்கம் உள்ளவனே ஆனந்தமானவன். ஏனென்றால் யாருமே துக்கம் இல்லாமல் இருக்க முடியாது.

சுகி.சிவம் இன்னும் ஏராளமாக பேசினார். அவ்வளவும் நம் வாழ்க்கையை சிக்கலில்லாமல் சுலபமாக்கக்கூடியவை.

உதாரணமாக கணவன் மனைவிக்குள் பிரச்சனை வராமல் இருக்கவேண்டும் என்றால் கணவன் தன் தாயோடு மனைவியை ஒப்பிடக்கூடாது. மனைவி தன் தந்தையுடன் கணவனை ஒப்பிடக்கூடாது. இது மிகச் சுலபமான சந்தோத்திற்கு வழி என்றார். உண்மைதான். இதுபோன்ற கவுன்சிலிங் தருவதற்கு சென்னை போன்ற பெரு நகரங்களில் ஆயிரக்கணக்கில் கட்டணம் வசூலிக்கிறார்கள். ஆனால் திருவாரூர் மக்களுக்கு இவை இலவசமாக கிடைக்கட்டும் என்று ஆன்மீகம் ஆனந்தம் அமைப்பினர் இந்த பேச்சுக்கு ஏற்பாடு செய்திருக்கிறார்கள் என்றார்.

இப்படி ஒரு சிறப்பான சொற்பொழிவை ஆற்றிய ஆன்மீகச்செம்மல் சுகி.சுவத்திற்கும், விழாவுக்கு ஏற்பாடு செய்த ஆன்மீகம் ஆனந்தம் அமைப்பினருக்கும் இந்த பேச்சைக் கேட்ட மக்கள் மானசீகமாக நன்றி சொல்லியிருப்பார்கள்.

********************************
ஆன்மீகம் ஆனந்தம் அமைப்பின் 2-ஆம் ஆண்டு துவக்க விழாவை ஒட்டி 40பக்க ஆன்மீக சிறப்பிதழ் ஒன்றை வெளியிட்டிருந்தார்கள். இதை வழக்கமாக திருவாரூரைப்பற்றி இடம்பெறும் செய்திகளைத் தவிர்த்து அதிகம் பேர் அறியாத தகவல்களுடன் உருவாக்கியிருப்பது சிறப்பு.

தை பிறந்தால் வழி பிறக்கும் சரி...சைக்கிள் பிறக்குமா?

2012-01-15T15:33:00.001+05:30

திருவாரூர் தியாகராஜசுவாமி ஆலயத்தில் சுகி.சிவம்

இந்த பதிவில் சாதாரண புலம்பல்கள்தான் அதிகம் இருக்கும். சாரி பார் த டிஸ்டபன்ஸ்.

கல்கி பத்திரிகைக்கு 12 ஆண்டுகளாக சிறுகதைப்போட்டிக்கு கதைகள அனுப்பி வருகிறேன். அதில் என்னுடைய ஒருசில வாசகர்கடிதங்கள் பிரசுரமானதோடு சரி. கல்கியில் 2011ஆம் ஆண்டு தீபாவளி தமாக்கா என்று தலைப்பிட்டு பல்சுவை போட்டிகளை நடத்தினார்கள்.

போட்டி பற்றிய அறிவிப்புகளப் படித்ததும் முதலில் மலைப்பாகத்தான் இருந்தது. பிறகு கம்ப்யூட்டர் பரிசு, சைக்கிள் பரிசு ஆகிய இரண்டில் மட்டும் கலந்து கொள்வது என்று முடிவு செய்து அதற்கான தயாரிப்பில் இறங்கினேன். கம்ப்யூட்டருக்கான பரிசுப்போட்டிதான் சற்று சவாலாக இருந்தது. அதில் விமர்சனம், கருத்துக்கள பவர்பாயிண்ட் பிரசன்டேஷனாக கேட்டிருந்தார்கள். எனக்கு அது வரை பவர்பாயிண்ட் பற்றி எதுவுமே தெரியாது.

அதைப்பற்றி அறிந்து கொள்வதில் கவனம் செலுத்தியதால் அதற்கான படைப்புகளில் கவனம் செலுத்த இயலவில்லை. தனியாக ஜாப் டைப்பிங் சென்டர் வைத்திருப்பதால் அந்த வேலைப்பளு, ஒரு நாளைக்கு மின்சாரம் இருக்கும் 18 மணி நேரத்தில் தூக்கம், சாப்பாடு, குளியல், கோயிலில் சாமி தரிசனம், அலுவலகப்பணி என்று போனது போக மீதம் உள்ள நேரத்தில் அவசரமாக தயார் செய்து அனுப்பிய படைப்புக்களில் எங்கள் தெருவில் உள்ள கோயில் பற்றிய எனது அனுபவத்தை மிகவும் சிம்பிளாக உள்ளது உள்ளபடி எழுதியது எனக்கு சைக்கிள் பரிசை வாங்கித்தந்துள்ளது.

அந்த சைக்கிள் பரிசு கிடைத்த விவரம் தெரிந்ததும் புது சைக்கிளை ஒரு நாள், பழைய சைக்கிள் ஒரு நாள் என்று மாற்றி மாற்றி ஓட்ட வேண்டும் என்று நினைத்தேன். அந்த நேரம் சரியில்லை என்று நினைக்கிறேன். என்னுடைய காலாக எனக்கு உழைத்த சைக்கிளின் (அந்த சைக்கிளின் பிறந்த தேதி: 08.09.1995) கைப்பிடி துருப்பிடித்து முறிந்து விட்டது.

அந்த கட்டுரை 22.01.2012 தேதியிட்ட கல்கியில் பிரசுரம் ஆகியுள்ளது. எங்கள் தெருவில் உள்ள பிள்ளையார் கோவிலின் மடப்பள்ளியை ஒருவர் ஆக்கிரமித்து இருந்ததால் திருப்பணி தடைபட்டிருந்தது. அந்த ஆக்கிரமிப்பு சட்ட விதிகளின்படி நகராட்சி அதிகாரிகளால் விரைவில் அகற்றப்பட்டு சீக்கிரத்தில் குடமுழுக்கு நடைபெற வேண்டும் என்பதே எங்கள் பிரார்த்தனை என்று கட்டுரையின் இறுதியில் குறிப்பிட்டிருந்தேன். அந்த கட்டுரை பிரசுரமான இதழ் கடைக்கு வந்த தேதி 14.1.2012 போகிப்பண்டிகை. ஆனால் 12.1.2012 விவேகானந்தர் பிறந்த நாள் அன்று ஆக்கிரமிப்பாளரே கடையை காலி செய்து கொண்டுவிட்டார்.

போகும்போது கோவில் பராமரிப்பு செலவைக் குறைக்க நினைத்தாரோ என்னவோ. சங்கடஹர சதுர்த்தி அன்று கோவிலில் விளக்கு எரியக்கூடாது என்ற நல்ல எண்ணத்தில் மீட்டர் போர்டில் ப்யூஸ் கேரியரைப் பிடுங்கி எடுத்துச் சென்றதுடன், மெயின் பாக்ஸ்ஐ சிதைத்து தொங்கவிட்டுவிட்டார்.

ஆனால் 10 நிமிடத்தில் வேறு ஒரு மாற்று ஏற்பாடு மூலம் ஆலயத்தில் மின் விளக்கை எரியச் செய்யும் வேலையை பிள்ளையார் என் மூலமாக நிறைவேற்றிக்கொண்டது போல் தெரிகிறது.

ஏற்கனவே 2009ஆம் ஆண்டு அக்டோபர் 6ஆம் தேதியும் சங்கடஹர சதுர்த்திதான். அன்றுதான் கோவில் மண்டபத்திற்கான பில்லர் போட இடம் போதவில்லை என்று காவல்நிலையத்தில் நாங்கள் புகார் செய்தோம். அப்போது காவல்துறை ஆய்வாளரின் அறிவுரையின் பேரில் ஆக்கிரமிப்பாளரே பாதி கடையை இடித்துக்கொண்டார்.

இப்போது 2012லும் ஒரு சங்கடஹர சதுர்த்தி நாள் அன்றே அவரது முழு ஆக்கிரமிப்பையும் அகற்றிக் கொண்டார். எல்லாம் பிள்ளையார் செயல் என்றே நம்புகிறோம்.

இந்த கட்டுரை வெளிவந்த கல்கி இதழின் அட்டைப்படத்தில் நண்பன் படத்தின் ஸ்டில் இடம்பெற்றிருந்தது. நான் 7ஆம் வகுப்பு படிக்கும்போது வெளியான ஜென்டில்மேன் படத்தைப் பார்த்ததுமே இயக்குனர் ஷங்கரை எனக்கு ரொம்பவும் பிடித்து விட்டது. அவர் ரீமேக்கிய நண்பன் படத்தின் கலர் ஃபுல் (ராமராஜன் கலர்?) ஸ்டில்லுடன் கல்கி இதழ் வெளிவந்தது மனதுக்கு கூடுதல் சந்தோஷத்தைக் கொடுத்தது என்று சொல்லலாம்.

நண்பன் படம் திருவாரூரில் இரண்டு தியேட்டர்களில் வெளியாகியுள்ளது. திருவாரூரில் ஒரு தியேட்டருக்கே சரியாக கூட்டம் வருவதில்லை. நண்பன் படத்தை வெளியிடுபவர்கள் ஒன்றில் மட்டும் வெளியிட்டிருக்கலாம். அப்படி செய்திருந்தால் கொள்ளைக்காரன் திருவாரூரில் ரிலீசாக வாய்ப்பு கிடைத்திருக்கும். இந்த மூன்று நாட்கள் விடுமுறையின்போது ஒரு சிறிய பட்ஜெட் படம் (நண்பனுடன் ஒப்பிடும் போது சிறிய பட்ஜெட் என்று தாராளமாக சொல்லலாம்.) ஓரளவு வசூல் செய்யும் உரிமையை தடுத்துவிட்டார்கள் என்றே சொல்லலாம்.

சினிமாக்காரர்கள சிறிய பட்ஜெட் சினிமாக்கள காலி செய்துவிட்டு திருட்டு விசிடி, கேளிக்கை வரியால் அழிந்து கொண்டிருக்கிறது என்று கூப்பாடு போடுவதையும் வழக்கமாக கொண்டிருக்கிறார்கள். தைலம்மை தியேட்டர் வாசலில் வைக்கப்பட்டிருக்கும் நண்பன் பட பிளக்ஸ் போர்டை பார்த்ததும் என் நினைவுகள் 20 ஆண்டுகள் பின்னோக்கி சென்றுவிட்டது.

அப்போதெல்லாம் பெரிய ஹீரோக்கள் நடித்தபடம் அல்லது பொங்கல், தீபாவளிக்கு ரிலீசாகும் படங்களுக்கு மட்டுமே துணி பேனர்கள் வரும். தியேட்டர் வாசலில் அதைப் பார்க்கும் போதே என்னால் ஆச்சர்யம் தாங்க முடியாது. உருவம் அப்படியே அசலாக போஸ்டரில் இருந்தாலும் துணி பேனரில் ரஜினி மாதிரியோ, மீனா மாதிரியோ இருக்கும் உருவத்தை பார்த்து இதை வரைய எவ்வளவு கஷ்டப்படுறாங்களா என்று நினைப்பேன். மேலும் திருச்சி ஏரியாவில் 10 தியேட்டரில் படம் ரிலீசாகிறதே. அத்தனை ஊருக்கும் பேனர் வரைஞ்சு அனுப்புறதுன்னா எத்தனை நாளைக்கு முன்னாலயே வரைய ஆரப்பாங்க என்றெல்லாம் என்னை நானே கேட்டுக்கொண்டதுண்டு. அந்த பேனர்களில் போஸ்டருடன் ஒட்டும் தியேட்டர்பெயர் கொண்ட ஸ்லிப்புகள ஒட்டி வைப்பார்கள். தீபாவளி, பொங்கல் சமயங்களில் 30 இன்ச் உயரம், 40 இன்ச் அகலத்தில் லித்தோ போஸ்டர்கள் திடீரென முளைக்கும்.

ஆனால் இப்போது ஒரே நாள் இரவில் 100 அல்லது 200 அடி நீளமுள்ள பிளக்ஸ் போர்டுகளக்கூட மெஷின்கள் அலட்சியமாக பிரிண்ட் செய்து தள்ளி விடுகின்றன. அதுதான் படத்தின் ஸ்டில்லுடனே தைலம்மையின் பொங்கல் நல்வாழ்த்துக்கள் என்று பிளக்ஸ் போர்டு வைக்க முடிகிறது. டெக்னாலஜி வளர்ச்சி நல்ல விஷயம்தான். ஆனால் துணி பேனரில் வரைந்து கொண்டிருந்தவர்களில் எத்தனை பேர் கம்ப்யூட்டர் டிசைன் கற்றுக்கொண்டு வளர்ச்சியடைந்திருப்பார்கள்?

விவசாயம், ஓவியம் என்று பல துறைகளிலும் தொழில்நுட்பப் புரட்சி வந்து பலரை வாழ வைத்துக்கொண்டிருக்கிறது. உயர்த்தியும் விட்டிருக்கிறது. ஆனால் எவ்வளவு பேரை முகவரி இல்லாமல் ஆக்கியிருக்கும் என்று யாருக்கும் தெரியாது.

காலத்தின் வேகத்தில் பலர் காணாமல் போய்க்கொண்டிருக்கிறார்கள். ஆனால் வேகமான இந்த உலகத்தில் தடுக்கி விழுந்தவனை தூக்க ஒருவன் முயற்சித்தால் அவனையும் சேர்த்து சமாதியாக்கிவிட்டு ஓடத்தான் பின்னால் வருபவர்கள் முயற்சிக்கிறார்கள். அதையும் சமாளித்து கீழே விழுந்தவனையும் காப்பாற்றி, தானும் சேர்ந்து ஓடுவதற்கு நாம் முயற்சிக்க வேண்டும்.

திருவாரூரில் சில தொழில்அதிபர்கள் சேர்ந்து ஆன்மீகம் ஆனந்தம் என்ற குழுவாக செயல்பட்டு வருகிறார்கள். திருவாரூர் நகரிலும் அதனைச் சுற்றியுள்ள பகுதிகளிலும் சில கோயில்களில் வழிபாடு, சொற்பொழிவு நிகழ்ச்சி என்று பல காரியங்கள செய்து வருகிறார்கள். இந்த பொங்கலுடன் ஓராண்டு நிறைவு பெறும் நேரத்தில் இன்று 15.1.2012 அன்று திருவாரூர் தியாகராஜசுவாமி ஆலயத்தில் சுகி.சிவம் சொற்பொழிவுக்கு ஏற்பாடு செய்துள்ளனர்.

மாலை 6.01 என்று நேரம் குறிப்பிட்டிருக்கின்றனர். இந்த நிகழ்ச்சி குறித்து திருவாரூர் நகர் முழுவதும் பெரிய அளவில் விளம்பரம் செய்யப்பட்டுள்ளது.

2012ல விலைவாசி உயர்வை சமாளிப்பது எப்படி?

2012-01-01T12:01:00.000+05:30

அனைவருக்கும் புத்தாண்டு வாழ்த்துக்கள்

நீ ஒருவர் மீது குற்றம் சொல்லி விரலை நீட்டும்போது மற்ற நான்கு விரல்கள் உன்னைத்தான் நோக்கும் என்று சொல்வார்கள். அது போல் விலைவாசி நம்மை கசக்கிப்பிழியும் நேரத்தில் அரசையும் சமூகத்தையும் குறை சொல்லும் முன்பு சுயக்கட்டுப்பாட்டுடன் சில விஷயங்களை கவனிக்க வேண்டும்.

தமிழகத்தின் மின் தேவையில் கிட்டத்தட்ட இருபத்தைந்து சதவீத மின்சாரம் பற்றாக்குறையாக உள்ளது என்று சொல்கிறார்கள். குளிர்காலத்திலேயே இந்த கதி. ஏப்ரல், 'மே'யிலே என்ன கதியோ. வளர்ந்த சில நாடுகளில் 5 முதல் 7 சதவீதம் வரை மட்டுமே மின்சாரத்தை விநியோகத்துக்காக கம்பி வழியே கொண்டு செல்லும்போது இழப்பு ஏற்படுகிறது என்று சொல்கிறார்கள். ஆனால் நம் நாட்டில் சொல்லப்படும் கணக்கு 40 சதவீதம் வரை. திருட்டு மின்சாரமும் உள்ளடக்கிய கணக்காக இது இருக்கலாம்.

இந்த இழப்பை 20 சதவீதம் என்ற அளவிற்கு குறைத்தாலே பாதி பற்றாக்குறை பறந்தோடிவிடுமே. அடுத்து தெருவிளக்கு, அரசு அலுவலக வளாகம் என்று எந்த அளவு சாத்தியமோ அந்த அளவிற்கு சோலார் சக்தியில் இயங்கும் விளக்குகளை அமைத்தால் எவ்வளவோ மின்சாரம் மிச்சம். எது எதையோ இலவசமாக கொடுப்பவர்கள் ஆண்டுக்கு 4 சிஎப்எல் பல்ப் - களை இலவசமாக கொடுக்கலாம். அல்லது சலுகை விலையில் கொடுக்கலாம். அடுத்து தொகுப்பு வீடுகளுக்கு இலவச மின்சாரம். இது நடுத்தர வர்க்க மக்களை வஞ்சிக்கும் செயல். உண்மையில் மின் கட்டணம் செலுத்த வசதியே இல்லாதவர்களுக்கு இப்படி இலவச மின்சாரம் கொடுத்தால் நியாயமாக ஒரு நாளைக்கு ஒரு யூனிட் போதும். அதற்கு மேல் நுகர்பவர்கள் நிச்சயமாக ஏழைகளாக இருக்கப்போவதில்லை. இப்படி ஒரு விளக்குக்காக கொடுக்கப்படும் வீடுகளில் ஏ/சியைத்தவிர அனைத்தும் இருக்கின்றன. ஆனால் ஓட்டுக்காக இப்படி இலவச மின்சாரத்தை கொடுத்து ஒரு குறிப்பிட்ட பகுதி மக்கள்மீதே அனைத்து சுமைகளையும் ஏற்றுகிறார்கள்.

இப்போது இருக்கும் அனைத்து அரசுப்பள்ளிகளையும் போதிய கட்டமைப்பு வசதிகளுடன் சரியான எண்ணிக்கையில் ஆசிரியர்களை நியமித்து இயங்கச் செய்தால் பஸ் பாஸ் பெறும் மாணவர்களின் எண்ணிக்கை மிக மிக குறைவாகத்தான் இருக்கும்.

நான்குவழிச்சாலைகளுக்கு லட்சக்கணக்கான மக்களிடம் இருந்து நிலத்தை கையகப்படுத்தும் அரசால் சென்னை முதல் கன்னியாகுமரி வரை இரட்டை ரயில் பாதைகளுக்கு ஏற்பாடு செய்வதில் என்ன கஷ்டமோ தெரியவில்லை. அது சரி. 4 வழிப்பாதை என்று சொல்லி ஒரே நாளில் ஒரு கோடி ரூபாய் கூட சுங்கம் வசூலிக்கலாம். ஆயிரக்கணக்கில் ஆம்னி பஸ்களை இயக்கி மக்களை சுரண்டலாம். இரட்டை ரயில் பாதை அமைந்து விட்டால் இதற்கெல்லாம் வழி இருக்காதே. (இதனால் பலர் வேலையிழக்கக்கூடும் என்று சொல்லாதீர்கள். சில பெரு முதலைகள் அதாவது அரசியல்வாதிகள் உள்ளிட்ட சிலர் மட்டுமே இன்னும் 10 தலைமுறைக்கு சொத்து சேர்க்க இந்த 4 வழிப்பாதைகள் அதிகம் உதவி செய்கின்றன.)

திருட்டு விசிடி டாட் காம் என்று இணையதளமே இருக்கிறது. அந்த அளவுக்கு இணைய தளங்களால் சினிமா சீரழிந்து வருகிறது என்று சொல்கிறார்கள். அது ஒரு புறம் இருந்தாலும் முக்கியமாக ஒரு எதிரி சினிமாவுக்குள்ளேயே இருப்பதாகத்தான் எனக்கு தோன்றுகிறது. ஏற்கனவே இருக்கும் இரண்டு கதாநாயகிகள் போதாது என்று இன்னும் இரண்டு பேரை வெளிநாட்டுக்கு அழைத்துச் சென்று பல லட்சம் செலவு செய்து பாடலை படமாக்கி அதை எண்ட் டைட்டிலுக்காக சேர்க்கும் அளவுக்கு சிக்கன சிகாமணிகள் தமிழ் சினிமாவில் இருக்கிறார்கள். இவர்கள் போதாதா சினிமாவை அழிப்பதற்கு.

பெரிய ஹீரோக்களுக்கு கோடிக்கணக்கில் சம்பளம் என்று சொல்கிறார்கள். ஆனால் சாதாரண டெக்னீஷியனுக்கு ஷூட்டிங் நாட்களில் சாப்பாடு கிடைத்தால் பெரிய விஷயம். அந்த அளவுக்கு கொடுமைப்படுத்துவதும் நடக்கிறது. இது நமக்கு தேவையில்லை. ஆனால் பொதுமக்கள் கொஞ்சம் உஷாராகி விட்டதன் அடையாளம்தான் எந்த படமும் ஒரு வாரத்துக்கு மேல் தியேட்டரில் தங்காமல் எஸ்கேப்பாகிக்கொண்டிருக்கிறது. தமிழ்நாட்டில் இன்னும் பல கோடிப்பேருக்கு மாத வருமானமே 3 ஆயிரத்திலிருந்து 6 ஆயிரம் ரூபாய்வரைதான் என்பதை இவர்கள் மறந்து விட்டார்கள் போலிருக்கிறது. அதனால்தான் திருவாரூர் போன்ற சின்ன ஊர்களிலேயே ஒரு டிக்கட் 100 ரூபாய்க்கு விற்கிறது. 4 பேர் கொண்ட ஒரு குடும்பம் படம் பார்க்க தியேட்டருக்கு சென்றால் 500 ரூபாய் காலி. ஆத்தாடி...அந்த காசு இருந்தா ஒரு 4 நாளைக்கு குழம்பு வைக்கலாம் என்று நிறைய மக்கள் நினைக்கிறார்கள்.

இருசக்கர வாகனத்தை பயன்படுத்துதல், கேஸ் பயன்பாடு, மின்சாதனங்களை பயன்படுத்துவதில் ஒழுங்குமுறை என்று நாம் சிக்கனமாக இருந்தாலே பாதி கஷ்டத்திலிருந்து தப்பி விடலாம்.

பாத்திரம் ஓட்டையாக இருந்தால் இமயமலை முழுவதும் உருகி ஓடினால் கூட அது நிறையாது என்பதை புரிந்து கொண்டால் சரி.

பற்றாக்குறை என்றால் வருமானத்தை பெருக்கு அல்லது செலவை சுருக்கு என்பதுதான் தாரகமந்திரம். வருமானத்தை பெருக்குவது என்பது மிகவும் திட்டமிட்டு அதிக உழைப்பை கொடுத்தால் மட்டுமே சாத்தியம். ஆனால் சிக்கனம் என்பது சற்று முயற்சி செய்தாலே போதும்.

மேலே நான் சொன்ன சில சிக்கன நடவடிக்கைகளில் முக்கியமாக வீணாவதை தவிர்க்கும் நடவடிக்கைகளில் ஏற்கனவே இறங்கியவர்கள் அப்போதும் பற்றாக்குறை என்றால் வருமானத்தை அதிகப்படுத்தும் நடவடிக்கைகளில்தான் இறங்க வேண்டும்.

அனைவருக்கும் புத்தாண்டு வாழ்த்துக்கள்.

பின் குறிப்பு: இதில் அரசியல் வியாதிகளைப்பற்றி அதிகம் சொல்லவில்லையே என்று தானே நினைக்கிறீர்கள். அவர்கள் செய்வது அவ்வளவும் அக்கப்போர்தான். அவர்கள் செலவழிப்பதில் 95 சதவீதம் தெண்டம்தான். அப்புறம் எதைச் சொல்ல...எதை விட...

பஸ் கட்டணம், பால் கட்டணம் உயர்வு - ஆப்பு ஆரம்பம்.

2011-11-17T16:54:00.000+05:30

எந்த ஒரு விலை உயர்வு அறிவித்தாலும் ஒரு கூட்டம் ஆர்ப்பாட்டம், பேரணி அப்படின்னு அமர்க்களப்படுத்தும். உண்மையில் இந்த விலை வாசி உயர்வை சுமக்கப்போறவன் கத்த கூட தெம்பில்லாம நசுங்கிப்போய் கிடப்பான்.

அரசாங்க பதிவேடுகளை பேப்பர்ல மட்டுமே பராமரிச்சுகிட்டு இருந்த காலத்துல தொட்டதுக்கும் சென்னைக்கே மொத்த தமிழகமும் ஓடி வரவேண்டி இருந்துச்சு. இப்போ ஆன்லைன் ரிஜிஸ்ட்ரேஷன் அப்படி இப்படின்னு ஓரளவு நிலைமை பரவாயில்லை.

ஒரு மாணவன் அதிகபட்சம் 5 முதல் 15 நிமிஷத்துக்குள்ள நடந்தே அவனோட பள்ளிக்கூடத்துக்கு போற மாதிரி அருகாமையில இருக்குற பள்ளிகளோட தரத்தை உயர்த்தி ஆசிரியர்களை போதுமான எண்ணிக்கையில நியமிக்கிற வேலையை எந்த அரசு வந்தாலும் செய்யப்போறதே இல்லைன்னுதான் தோணுது.

இப்படி ஒவ்வொரு விஷயத்துலயும் பார்த்து பார்த்து எரிபொருள் சேமிப்புக்கான நீண்ட கால திட்டத்தை அமல்படுத்துறதை விட்டுட்டு நடுத்தர மக்களை சுரண்டக்கூடிய நடவடிக்கைகளை மட்டும் அயல் நாடுகள் கிட்ட இருந்து நம்ம அரசுகள் எப்படித்தான் கத்துக்குதோ தெரியலை.

ஐநூறு ரூபாய்க்கு கூட வேலை பார்க்காம அம்பதாயிரம் சம்பாதிக்கிற அல்லது சம்பளம் வாங்குறவங்களைப் பத்தி கவலை இல்லை. கட்டிடத் தொழிலாளி மாதிரி சில வகை தொழில் செய்யுற லேபர்களும் விலைவாசி உயர்வைக்காரணம் காட்டி கூலியை உயர்த்திடுவாங்க.

இதுல வீணாப்போய் நசுங்குறது வறட்டு கவுரவம் பார்த்து வாழ வேண்டியிருக்குற நடுத்தர வர்க்க அப்பாவிகள்தான். அவங்க ஏன் கவுரவம் பார்க்கணும்னு சிலர் கேட்கக்கூடும். ஏதாவது ஒரு பட்டப்படிப்பு படிச்சதா ஒரு சர்டிபிகேட்டோட இருக்குறவங்கதான் வெடிச்சுகிட்டு வர்ற விலைவாசியோட வேகத்துக்கு சம்பளம் அதிகரிக்காத இடத்துல மாட்டிகிட்டு அவதிப்படுறாங்க.

இதையெல்லாம் பார்த்தா முடியுமா?...விலைவாசி உயர்வுக்கு தகுந்த மாதிரி சம்பாதிக்க கத்துக்கணும்னு அறிவுரைக்கெல்லாம் பஞ்சமே இருக்காது.

இப்படி ஒரு குறிப்பிட்ட எண்ணிக்கையிலான மக்களை வறுமையான சூழ்நிலையிலேயே வெச்சிருக்குறதன் வெளிப்பாடுதான் அரசுப்பள்ளிகள் நிறைய தடுமாறுவதும், கல்வித்தந்தைகள் நிறைய உருவாவதும்.

அரசு ஊழியர்களில் சில பணியிடங்களுக்கு ஆட்சியாளர்கள் மிக அதிக அளவு சம்பளத்தை ஏற்றி விட்டதே அந்த பணி நியமனத்திற்கு லட்சக்கணக்கில் லஞ்சம் வாங்குவதற்காகத்தான் என்று ஒருவர் சொன்னார். இது உண்மையாங்க?

யாரைத்தான் நம்புவதோ...

2011-09-30T18:21:00.000+05:30

எதோ ஒரு பத்திரிகையில் தேமுதிக-கம்யூனிஸ்ட் நீங்கலாக மற்ற அனைவரும் கூட்டணி இல்லாமல் போட்டியிடுவது குறித்து கார்ட்டூன் வெளியிட்டிருந்தார்கள்.

சிங்கம்னா சிங்கிளாத்தான் வரும் என்ற ரஜினியின் சிவாஜி படத்தில் வரும் வசனத்தை வைத்து தமிழக கட்சிகள் எல்லாம் உள்ளாட்சி தேர்தலில் போட்டியிடுவது குறித்த அந்த கார்ட்டூன் ரசிக்கத்தக்கதாக இருந்தது.

எம்.எல்.ஏ , எம்.பி தேர்தல் எல்லாம் எப்படியோ...இந்த உள்ளாட்சி தேர்தலில் மட்டும் சாமானிய மக்கள் நெருங்க முடியாத தொலைவில் இருப்பவர்கள் வெற்றி பெறுவது ரொம்பவும் கஷ்டம்.

பொதுப்பிரச்சனைகளைத் தீர்க்க தொடர்ந்து ஏதாவது செய்துகொண்டிருப்பவர்களைத் தவிர மற்றவர்களை மக்கள் சுலபமாக ஒதுக்கிவிடுவார்கள்.

நாங்கள் குடியிருக்கும் வார்டில் முக்கியமாக 4 கட்சியினர் போட்டியிடுகிறார்கள். அதில் இரண்டு பேர் இளைஞர்கள். ஒருவர் என் பள்ளித்தோழன், மற்றொருவர் அருகில் குடியிருப்பவர். ஒவ்வொருவருமே என்னை பிரச்சாரத்துக்கு அழைத்தார்கள்.

நான் என்னுடைய வேலைப்பளுவை காரணம் காட்டி மறுத்துவிட்டேன். நான் வாக்களிக்கப்போவது யாருக்கு என்பது யாருக்கும் தெரியாது. ஆனால் நான் யாருடனாவது பிரச்சாரத்துக்கு சென்றால் நான் அவருக்குத்தான் வாக்களித்தேன் என்று (அவருக்கு வோட்டு போடவில்லை என்றாலும் ) மற்றவர்கள் நம்பி விடுவார்கள்.

ஏன் இந்தவம்பு?

புதிய உறுப்பினர்கள் பதவியேற்றவுடன் மூன்று ஆண்டுகளாக பாதாள சாக்கடைக்காக எங்கள் தெருவில் மட்டும் தோண்டிக்கொண்டே இருக்கும் வேலையை அடுத்த 5 வருஷத்துக்குள்ளாவது முடியுங்கள் என்று மனு கொடுப்பேன். வேற என்ன செய்யுறது.

கேபிள் குழப்பங்கள்

2011-09-10T13:31:00.000+05:30

மீண்டும் அரசு கேபிள் கார்ப்பொரேஷன் என்று தொடங்கிய நாள் முதல் சில கட்டண சேனல்கள் தெரியவில்லையாம்.

அது என்ன "யாம்?"...உனக்கு தெரியாதா என்று நீங்கள் கேட்கலாம். ஆமாங்க...எனக்கு நேரடியா இந்த செய்தி தெரியாது. ஏன்னா...எங்க வீட்டுல கேபிள் கனெக்சனை துண்டித்து மூன்று ஆண்டுகள் இருக்கும்.

மாதத்திற்கு நூற்று ஐம்பது ரூபாய் என்பது மிகவும் அதிகமாக எங்களுக்கு தோன்றியது. அதனால் DTH வைத்துவிட்டோம். நாங்கள் வைத்திருப்பதற்கு மாத சந்தா கிடையாது. கருவிகள் வாங்கியது மற்றும் பொருத்துதல் செலவு மட்டுமே.

ஆனால் தெரிந்த தமிழ் சேனல்கள் என்றால் கலைஞர், பொதிகை, ஜீ தமிழ், மெகா ஆகியவைதான். (மக்கள் தொலைக்காட்சி சில காலம் இந்த இணைப்பில் தெரிந்தது. பிறகு கிடையாது.)

இந்த மூன்றாண்டுகளில் பிரபல சில சேனல்களைப் பார்க்காமல் நாங்கள் உயிருடன் தான் இருக்கிறோம். அது தான் ஏன் என்று புரியவில்லை. ஒரு சில நாளிதழ்களில் சில பே(ய்) சேனல்கள் தெரியாததால் மக்கள் மிகவும் சிரமப்பட்டார்கள் என்று எழுதுகிறார்கள்.

5 கோடி செலவு செய்து போட்ட ரோட்டுக்கு ஐநூறு கோடியைத்தாண்டியும் வசூல் செய்துகொண்டிருப்பதை எதிர்த்துக் கேள்வி கேட்க யாருக்கும் வாய் வருவதில்லை. தன்னுடைய ...........த்தில் யாராவது சூடு வைத்தால்தான் மக்களுக்கு கோபம் வருமோ என்னவோ...

சில சேனல்களில் ஒளிபரப்பாகும் கேடுகெட்ட சீரியல்களைப் பார்த்த ஒரு தாய், மகனுக்கு பெண் பார்க்கும் முன்பே, வரும் மருமகள் எப்படி எல்லாம் சண்டை வளர்ப்பாள், அதை நான் எப்படி சமாளிக்கப்போகிறேன் என்று ஒத்திகை பார்த்துக்கொண்டிருக்கிற நிஜக் கதையும் நடந்து கொண்டுதான் இருக்கிறது.

சீரியல் வரும் காலத்துக்கு முன்பு மாமியார், மருமகள் சண்டை இல்லையா என்று கேட்கலாம். துணியை கொடியில் இருந்து இழுத்ததுமே வரவில்லை என்பது போன்ற அற்பக்காரணங்களுக்காக எல்லாம் விவாகரத்து, பொய் வரதட்சணைக்கொடுமை புகார் என்ற அளவுக்கு பிரச்சனைகளை வீதிக்கு இழுத்து வர முக்கிய காரணகர்த்தா இந்த சீரியல்கள்தான்.

அந்த கொடுமைகள் இருக்கட்டும். என்னுடைய கேள்வி எல்லாம் ஒன்றுதான். கேபிள் தொழிலில் ஏகபோகத்தை ஒழிக்கிறோம் என்று இவர்கள் என்ன செய்கிறார்கள் என்பதே புரியவில்லை.

ரயிலில் ஏ/சி கோச்சும் உண்டு. 64 பேர் அமரக்கூடிய பெட்டியில் 600 பேரை திணிக்கும் பொது பெட்டியும் உண்டு.

ஒரு காப்பிக்கு 1000 ரூபாய் விலை சொல்லும் 5 நட்சத்திர ஹோட்டலும் உண்டு, 5 இட்லியை 15 ரூபாய்க்கு தரும் கையேந்திபவனும் உண்டு.

1000 ரூபாயிலும் செல்போன் உண்டு. லட்ச ரூபாயிலும் உண்டு. கேபிளில் மட்டும் ஏன் இந்த முற்றுரிமை?...

கட்டண சேனல்களை இணைத்து 150 ரூபாய் கட்டணத்தில் ஒரு விதமாகவும், இலவச சேனல்களை மட்டும் வைத்து 70 ரூபாயில் மற்றொரு முறை என்று இரண்டு வித இணைப்புக்களையும் கொடுத்தால் பாதி பிரச்சனை தீர்ந்து விடும்.

சென்னையில் செட் ஆப் பாக்ஸ் இருந்தால் தான் கட்டண சேனல்கள் என்ற நிலை வந்ததும் பலர் 100 ரூபாய்க்கு கிடைக்கும் இலவச சேனல்கள் போதும் என்ற முடிவுக்கு வந்து விட்டனர். விளம்பர வருவாயில் பெரிய துண்டு விழுந்தது. இதை எதிர்பார்க்காத ஒரு கட்டண சேனல் குழுமம் (ஒரு இணைப்புக்கு நாலு கட்டணசேனலுக்கு மட்டும் தற்போது 46 ரூபாய் கேட்பதாக சொல்லுகிறார்கள்.) சென்னையில் மட்டும் அந்த சேனல்களை இலவசமாக வழங்கியது.

மூன்று மாதங்களுக்கு அந்த சேனல்களை பார்க்கவில்லை என்றால் மக்கள் அந்த சேனல் நிகழ்ச்சிகளை மறந்து விடுவார்கள். அதே சமயம் விளம்பரங்கள் கிடைக்கவில்லை என்றால் அவற்றை மிக குறைந்த விலைக்கோ, அல்லது இலவசமாகவோ அந்த நிறுவனமே வழங்க வாய்ப்பு உண்டு.

அப்படியும் இல்லை என்றால் கட்டண சேனல்களில் விளம்பரமே இருக்கக்கூடாது என்று கிடுக்கிப்பிடி போட்டால் எல்லாரும் வழிக்கு வருவார்கள்.

என்னைப்போன்ற எவ்வளவோ பேர்கள் 24 மணி நேரத்தில் 18 மணி நேரம் விளம்பரம் போடும் சேனலுக்கெல்லாம் பணம் கொடுத்து பார்க்கத்தேவையில்லை என்று நினைப்பார்கள். நாங்கள் பார்க்க இலவச சேனல்கள் மட்டும் கொண்ட 70 ரூபாய் இணைப்பையும் எவ்வளவு ரூபாய் வேண்டுமானாலும் செலவு செய்ய தயாராக இருப்பவர்களுக்கு 150 ரூபாயில் கட்டண சேனல்களையும் கொண்டு தனி இணைப்பும் வழங்கினால் நல்லது.

கேபிள் ஆப்ரேட்டர்களும், சேனல் உரிமையாளர்களுக்கும் ஒத்துப்போகாததற்கு ஒரு முக்கிய காரணம், எத்தனை இணைப்பு என்பதை யாரும் உறுதியாக சொல்லமுடிவதில்லை என்பதும்தான்.

மின் கட்டணத்தைப்போல் கேபிள் கட்டணத்தையும் ஆன்-லைனில் செலுத்தும் வசதி கொண்டுவந்துவிட்டால் கறுப்பு இணைப்புக்கு வேலை இருக்காது. ஆனால் இப்படி வசூல் செய்யும்போது அரசின் பங்கும், கேபிள் ஆப்ரேட்டர்கள் பங்கும் அவரவர் வங்கிக்கணக்கில் சேருமாறு புரோகிராம் செட் செய்துவிட்டால் பிறகு அந்த தொகைக்காக கேபிள் ஆப்ரேட்டர்கள் பொதுமக்களிடமோ, அதிகாரிகளிடமோ அலைய வேலை இருக்காது.

மின் கட்டணம் போன்று கேபிள் கட்டணமும் குறிப்பிட்ட தேதியில் கட்டப்படவில்லை என்றால் இணைப்பு துண்டிக்கப்படும் என்ற நிலை இருந்தால் எல்லாரும் பணத்தை ஒழுங்காக கட்டுவார்கள்.

எல்லா இணைப்பும் கணக்கில் வந்துவிட்டால் சேனல் உரிமையாளர்கள் அநியாய வசூல் வேட்டை நடத்த நினைப்பதும் குறையும். பணம் வசூல் செய்ய அலையும் நேரம் மிச்சமானால் சேனல்கள் சரியாக தெரியவில்லை என்ற புகாரை கேபிள் ஆப்ரேட்டர்கள் சரியாக கவனிக்காமல் விடும் அபாயமும் உண்டு.

இதையும் ஒரு முறையில் கட்டுப்படுத்தலாம்.

சேனல்களுக்கான சிக்னல்கள் சரியாக வருகிற பட்சத்தில் கேபிள் ஆப்ரேட்டர் தன் பொறுப்பில் ஒரு நல்ல டிவியை வாடிக்கையாளர் வீட்டில் போட்டுக் காண்பித்து சேனல்கள் சரியாக தெரிவதை உறுதிப்படுத்தலாம். இந்த முறையில் வாடிக்கையாளரின் தொலைக்காட்சியில் கோளாறா...கேபிள் இணைப்பில் கோளாறா என்பதும் தெரிந்து விடும்.

பிரச்சனைகளை சரிசெய்ய வேண்டும் என்றால் ஆயிரம் வழி உண்டு. அதை வேண்டுமென்றே சிலர் புகைய விடுவதாகத்தான் எனக்கு தோன்றுகிறது.

இதயத்தூது

2011-09-09T18:37:00.004+05:30

தலைப்பை பார்த்ததும் ஏதோ காதல் கடிதம் என்று நினைத்து விட வேண்டாம். திருவாரூரில் விளம்பரங்களை மட்டுமே நம்பி சில ஆண்டுகளுக்கு முன்பு தொடங்கி வெளிவரும் இலவச இதழ். இப்போது அதை வெளியிடுபவரின் நண்பருடைய முயற்சியால் www.idhayathoothu.in என்ற முகவரியில் இணையத்தில் காணக்கிடைக்கிறது. நானும் எனது பங்களிப்பாக திருவாரூர் மாவட்டம் பற்றிய செய்திகளை, சுற்றுலாதலங்கள், ஆன்மீக தலங்கள் போன்றவற்றின் விவரங்களை பகிர்ந்துகொள்ளலாம் என்று நினைக்கிறேன்.

சிவகாசி தண்ணீர் அவ்வளவு மோசமா?

2011-08-22T10:55:00.000+05:30

அப்படி இப்படி லேபரா இருந்து நானும் தொழிலதிபரா ஆயிட்டேன்னு முன்னாடி ஒரு பதிவுல எழுதியிருந்தேன்னு நினைக்கிறேன்.(ஞாபகமறதி இருந்தாதாதான் பெரிய தொழிலதிபர்னு உன்னைய யார் குழப்பி விட்டதுன்னு கேக்காதீங்கோ.)

போன வாரத்துல தொழில் நிமித்தப்பயணமா (அரசியல்வாதி போனா அது மரியாதை நிமித்தப்பயணம்) மதுரை, சிவகாசிக்கு போனேன். மதுரையில சாப்ட்வேர் இஞ்சினியரா இருக்குற நண்பரும் என்னோட சிவகாசிக்கு வந்தார்.

கிளம்பும்போது அவர் வீட்டுல இருந்து 2 லிட்டர் பாட்டில்ல தண்ணீரைக்கொண்டு வரவுமே எனக்கு மைல்டா ஒரு டவுட் வந்துச்சு.

"குடிக்கிறதுக்கு கூட மினரல் வாட்டர் வாங்கிடலாம். புழக்கத்துக்கு தண்ணீர் கிடைக்கிறதுதான் கஷ்டம். அந்த ஊர்ல நல்லா மழை பெய்தால்தான் புழங்குற தண்ணிக்கு பஞ்சம் இல்லாம இருக்கும்." அப்படின்னு சாப்ட்வேர் நண்பர் சொன்னது என்னை பெரிய அளவுல பாதிக்கலை. மிஞ்சிப்போனா அந்த ஊர்ல நாலு மணி நேரம் இருக்கப்போறோம். அதுக்குப் போய் இந்த பில்ட்அப்பான்னு நினைச்சேன். காலை டிபன் சாப்பிட்டப்ப ஒரு ஹோட்டல்ல தான் கொஞ்சம் தண்ணி குடிச்சேன். அப்ப எதுவும் தெரியலை.

ஆனா ஊருக்கு போயிட்டு திருவாரூருக்கு வந்ததுக்கு அப்புறம்தான் ஜலதோஷம், மூக்கடைப்பு, தலைவலி, ஜூரம்னு படுத்துது.

மதுரை, சிவகாசின்னு போனதுல அந்த தண்ணி ஒத்துக்கலைன்னு நான் சொன்னப்ப இங்க இன்னொரு நண்பர், "தம்பி, அவசரப்பட்டு முடிவெடுத்துடாத...அந்த ஊர்கள்ல நீ குடிச்சது உண்மையிலேயே நல்ல தண்ணியாக்கூட இருக்கலாம். நம்ம ஊரு தண்ணி கெட்டுப்போய் அதை தொடர்ந்து குடிச்சதால உனக்கு நல்ல தண்ணி ஒத்துக்காம கூட இருக்கலாம்." அப்படின்னு சொன்னாரு. இந்த இன்னொரு கோணத்தை கேட்டு நான் மிரண்டு போயிட்டேன்.

செயற்கை உரம், பூச்சிக்கொல்லிகள் மூலமா விளையிற காய்கறிகளை நம்ம உடம்பு ஏத்துக்குதுறது சாத்தியம்னா இதுவும் சாத்தியம்தான் அப்படின்னு தமிழ்ப்படத்துல துப்பறியும் போலீஸ் அதிகாரி சொல்றமாதிரி என்னைய குழப்பிவிட்டுட்டு அந்த நண்பர் போயிட்டார்.

நான்தான் சொல்பேச்சு கேட்காத உடம்போட நாலு நாளா அவஸ்தைப்படுறேன்.

சொந்தக்கதை இருக்கட்டும். தொழில் கதை என்னாச்சுன்னுதானே கேட்குறீங்க...

விசிட்டிங்கார்டு, அதே மாடல்ல 3மடங்கு பெரிய அளவு கார்டு இதுமாதிரியான சில மேட்டர் பிரிண்டிங் செய்ய வேண்டியிருந்தது. இதெல்லாம் பொதுவா 1000 கார்டுக்கு மேல அச்சடிக்க வாடிக்கையாளர்கள் தயங்குவாங்க. ஆனா இதையெல்லாம் சிவகாசி பிரஸ்ல கொடுத்து வாங்க முடியாது.

ஏன்னா குறிப்பிட்ட சில ரகங்களுக்குதான் மினிமம் 5000 எண்ணிக்கையில அச்சடிச்சு தர்றாங்க. அதனால குறைவான எண்ணிக்கை ஆர்டர்களுக்கு எல்லாம் கோயம்புத்தூர்தான் பெஸ்ட் அப்படின்னு சிவகாசியிலேயே பரிந்துரை செய்யுறாங்க.

நான் முக்கியமா போனது கோவில்கள்ல விபூதி பிரசாதம் கொடுக்க பயன்படும் கவர்கள் ஆர்டர் கொடுக்கத்தான். அதை பிரிண்ட் செய்து கட் பண்றது பெரிய வேலை இல்லை. பசை தடவி ஒட்டுறதுதான் பெரிய இம்சை. அந்த ஜாப்புக்குதான் காண்ட்ராக்ட் ஆளுங்க ரொம்ப குறைவா கிடைக்குறாங்க அப்படின்னு ஒரு பிரஸ் அதிபர் சொன்னார்.

தினமலர் நாளிதழ்ல பக்கம் வடிவமைச்சு இருந்தா கூட இது மாதிரி மல்டிகலர் ஜாப் ஒர்க் எடுத்து செய்யணும்னா எந்த அளவுல எந்த எண்ணிக்கையில ஆர்டர் எடுக்கணும். பொதுவா அங்க பயன்படுற பேப்பர் அளவு என்ன? அதுல க்ரிப்பர் ஏரியா, வேஸ்டேஜ் ஏரியா எல்லாம் எவ்வளவுன்னு தெளிவான விவரங்களை சிவகாசிக்கு போனதும்தான் தெரிஞ்சுக்க முடிஞ்சது.

ஏட்டுப்படிப்பை விட செயல்வழிக்கல்வி எவ்வளவு முக்கியம்னு நான் உணர்ந்துகிட்டேன்.

பள்ளியில் என்னுடன் படிச்ச மூன்று நண்பர்கள் வழக்கறிஞரா பிராக்டீஸ் செய்யுறாங்க. அவங்களோட டைப்பிங் ஒர்க் ரொட்டீனா இருக்கு. அதை மீறி கிடைக்கிற நேரத்துல சில மல்டிகலர் ஆர்டர்கள் எடுத்து செய்துகிட்டு இருக்கேன்.

ஒண்ணு மட்டும் எனக்கு தெளிவா தெரியுதுங்க. இன்னும் போக வேண்டிய தூரம் ரொம்ப அதிகம். அதுக்கு இடைவிடா முயற்சியும் உழைப்பும் ரொம்ப அவசியம். இது எல்லாருக்குமே பொருந்தும்னு நினைச்சு செயல்பட்டா எல்லாம் ஜெயம்தான்.